ជេន​នី​ហ្វើ ឡូប៉េស នៅ​តែ​ស្រឡាញ់​អតីត​មិត្ត​ប្រុស បិ​ន អា​ហ្វ​ភ្លិច “​អស់​ពី​បេះ​ដូង​”

0
34

នាង ជេន​នី​ហ្វើ ឡូប៉េស នៅ​តែ​ស្រឡាញ់​អតីត​មិត្ត​ប្រុស លោក បិ​ន អា​ហ្វ​ភ្លិច “​អស់​ពី​បេះ​ដូង​” ដដែល​។​ តារា​ក្នុង​រឿង Hustlers​រូប​នេះ​ត្រូវ​គេ​ប្រទះ​ឃើញ​ចំណាយពេល​ជាមួយ​តារា​សម្តែង​វ័យ ៤៨ ឆ្នាំ​កាល​ពី​ចុង​សប្តាហ៍ ហើយ​ពេលនេះ​ប្រភព​មួយ​ចំនួន​និយាយថា​អ្នក​ទាំង​ពីរ​នៅតែ​កោតសរសើរ​​ចំពោះ​គ្នា​និង​រក្សា​ចំណង​មិត្តភាព​ជិតស្និទ្ធ ចាប់តាំងពី​ទំនាក់ទំនង​របស់​អ្នក​ទាំង​ពីរ​បាន​បញ្ចប់​នៅ​ឆ្នាំ ២០០៤ ។​

​ប្រភព​មួយ​បាន​ប្រាប់​ទស្សនា​វ​ដ្តី People ថា “​ពួកគេ​បាន​ចំណាយពេល​ជាមួយ​គ្នា​នៅ​ទីក្រុង​ឡូ​ស​អែន​ជើ​ឡេស​កាលពី​សប្តាហ៍​មុន​។ ពួកគេ​នៅតែ​ស្រឡាញ់​គ្នា​ខ្លាំង​ដដែល​។​ពួកគេ​តែងតែ​កោ​ត​​សរសើរ​ចំពោះ​គ្នា​ទៅវិញទៅមក​”​។​

​ជេន​នី​ហ្វើ​អាយុ ៥១ ឆ្នាំ​បាន​ចំណាយពេល​ជាមួយ​លោ​កបិន បន្ទាប់ពី​នាង​បាន​ចែក​ផ្លូវ​គ្នា​ពី​អតីត​គូ​ដណ្តឹង​ឈ្មោះ អា​ឡិច រ៉ូ​ឌ្រី​ហ្គេស​ដែល​អ្នក​ទាំង​ពីរ​បាន​បញ្ជាក់​កាលពី​ខែ​មេសា​បន្ទាប់ពី​រួមរស់​ជា​​មួយ​គ្នា​អស់​រយៈពេល ៤ ឆ្នាំ​។​

​ហើយ​ថ្មីៗ​នេះ​មាន​សេចក្តីរាយការណ៍​ថា ម្ចាស់​បទ On The Floor​ដ៏​ល្បី​រូប​នេះ​ក៏​បាន​ពឹងពាក់​លើ​អតីត​ស្វាមី​របស់​នាង​គឺ​លោក ម៉ាក អាន​ថូ​នី ផងដែរ ដែល​នាង​មាន​កូនភ្លោះ​ជាមួយ អាយុ ១៣ ឆ្នាំ​ឈ្មោះ អេម​មេ និង ម៉ាក់ ក្រោយ​ពេល​នាង​ចែកផ្លូវ​គ្នា​ពី​លោក​អា​ឡិច ខណៈ​លោក​បាន​ឈាន​ជើង​ចូល​ដើម្បី​ជួយ​ថែរក្សា​កូនៗ​របស់​ពួកគេ​ក្នុងពេល​ដែល​នាង​កំពុង​រវល់​ការងារ​សិល្បៈ​របស់​នាង​៕

ប្រភព :រស្មីកម្ពុជា

LEAVE A REPLY

Please enter your comment!
Please enter your name here