អ្នកគាំទ្រ Man U ធ្វើ​ការអុកឡុក​ក្នុង​កីឡដ្ឋាន នាំ​ឱ្យ​លើក​ពេល​ការប្រកួត EPL

0
35

នៅក្នុង​ព្រឹត្តិការណ៍​ដែល​មិន​ធ្លាប់​មាន​ពី​មុន​សម្រាប់​ការប្រកួត​បាល់ទាត់​ដែល​ថ្លៃ​ជាងគេ​បំផុត​នៅលើ​ពិភពលោក ក្របខ័ណ្ឌ Premier League​ត្រូវបាន​បង្ខំចិត្ត​​បោះបង់​ចោល​ការប្រកួត​ដ៏​ធំ​បំផុត​ប្រចាំ​រដូវ​កាល បន្ទាប់​ពី​ការ​លុកលុយ​ចូល​ទឹកដី Old Trafford ដោយ​អ្នក​គាំទ្រ​របស់​ក្រុម​បិសាច​ក្រហម Manchester United ។​

​ការ​សម្រុកចូល​កីឡាដ្ឋាន ដែល​បិទ​មិន​ឱ្យ​អ្នកគាំទ្រ​ចូល​មើល​អំឡុងពេល​មាន​ជំងឺ​រាតត្បាត បាន​កើតឡើង​ប៉ុន្មាន​ម៉ោង​មុន​ពេល​ដែល​ក្រុម Man United ត្រូវ​ទទួល​ភ្ញៀវ​ហង្ស​ក្រហម Liverpool ។ ខណៈ​ដែល​អ្នកគាំទ្រ​តវ៉ា​នៅលើ​ទីលាន​ប្រឆាំង​នឹង​ម្ចាស់​ក្លិប​បិសាច​ក្រហម គឺ​គ្រួសារ​ត្រកូល​ក្លេ​សឺ ផ្សែង​ពណ៌​ជាច្រើន​ត្រូវបាន​ដុត​ហុយ​ពេញ​កីឡដ្ឋាន​ហើយ​អ្នកគាំទ្រ​រាប់ពាន់​នាក់​ទៀត​បាន​នាំគ្នា​ជួបជុំ​​នៅ​ខាងក្រៅ​កីឡដ្ឋាន Old Trafford ។​

​ឈុត​ឆាក​ដ៏​អាក្រក់​អា​ក្រី​នេះ​បាន​ផ្ទុះឡើង​នៅ​ពេល​ដែល​ប៉ូលិស​ប៉ះទង្គិច​ជាមួយ​អ្នកគាំទ្រ​ដែល​ខឹងសម្បា​ចំពោះ​ការខ្វះ​ការចូលរួម ១៦ ឆ្នាំ​មកនេះ​ដោយ​ក្រុម​គ្រួសារ​ក្លេ​សឺ ដែល​បាន​សម្រេចចិត្ត​នាំយក United ចូលទៅ​ក្នុង​ការប្រកួត​ពានរង្វាន់​ផ្តាច់ខ្លួន European Super League ដែល​បាន​ដួលរលំ​កាលពី​ពីរ​សប្តាហ៍​មុន​ក្នុង​រយៈពេល​តែ ៤៨ ម៉ោង​។​

​កីឡាករ​មិនបាន​ព្យាយាម​ចូលទៅក្នុង​កីឡដ្ឋាន​ទេ ព្រោះ​ក្រុម United មិនអាច​ចាក​ចេញពី​សណ្ឋាគារ​ធំ​របស់​ក្លិប Manchester បានទេ ដោយសារតែ​មាន​ការផ្ទុះ​ការតវ៉ា​មួយ​ផ្សេងទៀត​នៅ​ទីនោះ​។​

​ក្លិប​អ្នកគាំទ្រ​ក្រុម​បិសាច​ក្រហម​បានលើកឡើង​ពី​លទ្ធភាព​នៃ​ការបើក​ច្រក​ទ្វារ​ចូល​មួយ​ដើម្បី​ឱ្យ​អ្នកគាំទ្រ​ចូលទៅក្នុង​កីឡដ្ឋាន​។ ការប្រាស្រ័យ​ទាក់ទង​តែមួយគត់​ពី​ក្លិប​គឺ​តាមរយៈ​សេចក្តីថ្លែងការណ៍ ដែល​មិនមែន​ចេញ​ពី​គ្រួសារ​ក្លេ​សឺ​។​

Man U​បាន​និយាយថា “​យើង​ទទួល​ស្គាល់​ទាំងស្រុង​នូវ​សិទ្ធិសេរីភាព​ក្នុង​ការបញ្ចេញមតិ​និង​ការតវ៉ា​ដោយ​សន្តិវិធី​។ ទោះយ៉ាងណា យើង​មាន​ការសោកស្តាយ​ចំពោះ​ការរំខាន​ដល់​ក្រុម​កីឡាករ​និង​សកម្មភាព​ដែល​ធ្វើឱ្យ​អ្នកគាំទ្រ​បុគ្គលិក​និង​ប៉ូលិស​មាន​គ្រោះថ្នាក់​”​។​

​ប្រសិនបើ Liverpool ឈ្នះ Man U នោះ​បានន័យថា បិសាច​ក្រហម​ប្រគល់ពាន EPL ដៃ​ពីរ​ជូន​ដល់​មេឃ​ខៀវ Man City​។

​ដូច្នេះ​ការអុកឡុក​នេះ​បាន​ជួយ​ឱ្យ​ការប្រកួត​រវាង​ក្រុម​ទាំង​ពីរ​ត្រូវ​លើក​ពេល​ទៅ​ថ្ងៃក្រោយ ហើយ​ក៏​មានន័យថា Man U មិនចាំបាច់​ប្រគល់​ពាន​ដៃ​ពីរ​ឱ្យ​ទៅ​គេ​នោះ​ដែរ​៕

LEAVE A REPLY

Please enter your comment!
Please enter your name here