បុករះរថយន្ត ៣គ្រឿងជាបន្តបន្ទាប់ក្រោយពីបុរសម្នាក់ព្យាយាមបើករត់គេចពេលគ្រោះថ្នាក់ ចរាចរណ៍

បុរសម្នាក់បានបើករថយន្ត មួយគ្រឿង  ម៉ាក  តាកូម៉ា  បើកទៅបុករះជាមួយរថយន្ត  ៣គ្រឿង ទៀតបណ្តាលឲ្យរងការខូចខាត។ ហេតុការណ៍នេះបានកើតឡើងកាលពីវេលាម៉ោង  ៩និង ៤០នាទីព្រឹក  ថ្ងៃទី១១  ខែសីហា  ឆ្នាំ២០២១ ស្ថិតនៅតាមបណ្តោយផ្លូវ១០៥  សង្កាត់ ទួលសង្កែទី១  ខណ្ឌឫស្សីកែវ  រាជធានី ភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា  មុនពេលកើតហេតុ  គេបានឃើញ រថយន្ត  មួយគ្រឿង  ម៉ាក  Tacoma  ពណ៌ក្រហម  ពាក់ស្លាកលេខ  ភ្នំពេញ  1AU-2256 បើកបរក្នុងទិសដៅពីជើងទៅត្បូង  ខណៈពេលបើកមកដល់ចំណុចកើតហេតុខាងលើ  ស្រាប់តែរថយន្តខាងលើបានទៅបុកពីក្រោយរថយន្ត  Alphard ពណ៌ខ្មៅ  ពាក់ស្លាកលេខ  ភ្នំពេញ  2Y-2088 ដែលបើកបរក្នុងទិសដៅស្របគ្នា ។ក្រោយមករថយន្ត  Tacoma ក៏បាន ថយក្រោយ  ក្នុងគោលបំណងបើករត់គេចខ្លួន  តែក៏បានទៅបុកជាមួយរថយន្ត  មួយគ្រឿង ម៉ាក  Range Rover ពណ៌ខ្មៅ  ពាក់ស្លាកលេខ  ភ្នំពេញ  2BF-6633បណ្តាលឲ្យរងការ ខូចខាត ផ្នែកខាងក្រោយចំហៀងខាងឆ្វេងបែកស្តុបក្រោយ  រួចរថយន្ត  Tacoma ក៏បន្តបើក រត់គេច ទៀត  ក៏ទៅបុកជាមួយរថយន្ត  មួយគ្រឿង ទៀត ម៉ាក  Infinitl QX56 ពណ៌ខ្មៅ  ពាក់ស្លាក លេខ  ភ្នំពេញ  2AA-8118  បណ្តាលឲ្យរងការខូចខាតផ្នែក ខាងមុខ ចំហៀងខាងស្តាំ  ទើបរថយន្ត  Tacoma ខាងលើ មិនអាចបន្តដំណើរទៅមុខទៀតបាន ។

ក្រោយកើតហេតុ  អ្នកបើកបររថយន្តម៉ាក  Tacoma ត្រូវបានប្រជាពលរដ្ឋចាប់ឃាត់ ខ្លួនតែម្តង។

ក្រោយមក  កម្លាំងសមត្ថកិច្ចជំនាញបានចុះមកដល់ទីតាំងកើតហេតុ  និងបានឃាត់ខ្លួន ជនបង្កយកទៅកាន់ប៉ុស្តិ៍នគរបាលទួលសង្កែទី១  និងបានសហការជាមួយជំនាញ ការិយាល័យនគរបាលចរាចរណ៍ជើងគោក  នៃស្នងការនគរបាលរាជធានីភ្នំពេញ  ចុះមកវាស់វែងយករថយន្តទាំងសងខាងទៅរក្សាទុកនៅការិយាល័យជំនាញ  ដើម្បី រង់ចាំការដោះស្រាយគ្នាតាមផ្លូវច្បាប់។

សូម បញ្ជាក់ ផងដែរថាជនបង្ករខាងលើ  សមត្ថកិច្ច បានឆែកឆេក្នុងហោប៉ៅខោឃើញ មានឧបករណ៍ប្រើប្រាស់គ្រឿងញៀនផងដែរ៕