អភិបាលខេត្ត​ព្រះសីហនុ​ផ្ញើលិខិត​ជូន​អភិបាលខេត្ត​សៀមរាប​ស្តីពី​ការអនុវត្ត​ច្បាប់​លើ​អ្នក​កើត​កូ​វីដ​-១៩ ចំនួន​១៤​នាក់​ដែល​លួច​រត់​

0
24

លោក​គួច ចំរើន អភិបាលខេត្ត​ព្រះសីហនុ​នៅ​ថ្ងៃទី​០១​ខែឧសភា​ឆ្នាំ​២០២១ បាន​ផ្ញើលិខិត​លិខិត​មួយច្បាប់​ជម្រាបជូន​អភិបាលខេត្ត​សៀមរាប​ស្តីពី​ការអនុវត្ត ច្បាប់​ចំពោះ​បុគ្គល ដែល​បាន​គេចវេះ​ចេញពី​តំបន់​បិទ​ខ្ទប់​នៃ​ខេត្ត​ព្រះសីហនុ​ចំនួន​១៤​នាក់ ដែលមាន​ដំណឹង​ថា​បាន​ទៅដល់​ខេត្តសៀមរាប ដោយ​នៅក្នុង​លិខិត​បាន​សរសេរ​យោង​អនុក្រឹត្យ​លេខ​៣៧ , អនុក្រឹត្យ​លេខ​៥៧ និង សេចក្តី សម្រេច​លេខ​១១៦/២១​សសរ​។​

​នៅក្នុង​លិខិត​ដែល​ចុះហត្ថលេខា​ដោយ​លោក គួច​ចំរើន អភិបាលខេត្ត​ព្រះសីហនុ បាន​បញ្ជាក់ថា ភូមិសាស្ត្រ​ក្រុងព្រះសីហនុ​ខេត្ត​ព្រះសីហនុ​ត្រូវ​បាល​រដ្ឋបាលខេត្ត​ព្រះសីហនុ​សម្រេច ដាក់​ជា​តំបន់​បិទ​ខ្ទប់​រយៈពេល​១៤ គិត​ចាប់ពី​ថ្ងៃទី​២៣​ខែមេសា​ឆ្នាំ ២០២១ ក្នុង​គោ ល​បំណង​ធានា​ប្រសិទ្ធភាព​នៃ​ការគ្រប់គ្រង​ការឆ្លង​រាលដាល​នៃ ជម្ងឺ​កូ​វីដ​-១៩ ក្នុង សហគមន៍ និង​ទប់ស្កាត់​ជម្ងឺ​នេះ​មិនឱ្យ​រាលដាល​ទៅ​តំបន់​ផ្សេងទៀត​។ ប៉ុន្តែ​ក្នុងអំឡុងពេល​បិទ​ខ្ទប់​នេះ រដ្ឋបាលខេត្ត​ព្រះសីហនុ​បានទទួល ព័ត៌មាន​ថា មាន​បុគ្គល​ចំនួន​១៤​នាក់ (​មាន​វិជ្ជមាន​កូ​វីដ​- ១៩ ចំនួន​៨ នាក់​) បាន​លេច​គេចវេះ​ចេញពី​តំបន់ បិទ​ខ្ទប់​នៃ​ខេត្ត​ព្រះសីហនុ​ធ្វើដំណើរ​ទៅ​ខេត្តសៀមរាប​។​

​បុគ្គល​ទាំង​១៤ នាក់​រួមមាន​៖ ១- ឈ្មោះ បាន់ ផាវ ភេទ​ប្រុស អាយុ​២២​ឆ្នាំ​, ២- ឈ្មោះ​នឿន ម៉ាប់ ភេទ​ស្រី អាយុ​២០​ឆ្នាំ​, ៣- ឈ្មោះ ប៊ូ​រិ​ន រតនា ភេទ​ប្រុស អាយុ​៥​ឆ្នាំ (​វិជ្ជមាន​កូ​វីដ​-១៩), ៤- ឈ្មោះ ជាវ រដ្ឋា ភេទ​ប្រុស អាយុ​១១​ខែ (​វិជ្ជមាន​កូ​វីដ​-១៩), ៥- ឈ្មោះ​ណា ណា​ង ភេទ​ប្រុស អាយុ​១៦​ឆ្នាំ​, ៦- ឈ្មោះ​អៀន លឹម ភេទ​ស្រី អាយុ​៤០​ឆ្នាំ (​វិជ្ជមាន​កូ​វីដ​-១៩) , ៧- ឈ្មោះ ផល រតនៈ ភេទ​ប្រុស អាយុ​២៣​ឆ្នាំ (​វិជ្ជមាន​កូ​វីដ​-១៩), ៨- ឈ្មោះ​ណា និ​ត ភេទ​ប្រុស អាយុ​២០​ឆ្នាំ​, ៩- ឈ្មោះ ឆាត រតនា ភេទ​ប្រុស​អាយុ​២៧​ឆ្នាំ​, ១០- ឈ្មោះ ឆាត ដា​ណេ​ត ភេទ​ស្រី អាយុ​៣០​ឆ្នាំ (​វិជ្ជមាន​កូ​វីដ​-១៩), ១១- ឈ្មោះ​ឡី​សុខ ណី ភេទ​ស្រី អាយុ​១៦​ឆ្នាំ​, ១២- ឈ្មោះ​ហួរ ស្រី​ម៉ាច ភេទ​ស្រី អាយុ​២៥​ឆ្នាំ​, ១៣- ឈ្មោះ មឿត ភក្តី ភេទ​ប្រុស អាយុ​៣៩​ឆ្នាំ និង​១៤- ឈ្មោះ​អៀង អៀ​ប ភេទ​ប្រុស អាយុ​៣៧​ឆ្នាំ​។ អំពើ​របស់​ពួកគេ​ទាំង​១៤​នាក់​នេះ គឺជា​អំពើ​ដោយ​ចេតនា​មិន​គោរព​វិធានការ រដ្ឋបាល ដែល​ចែង​នៅក្នុង​មាត្រា​៤ និង​មាត្រា​១០​នៃ​ច្បាប់​ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជម្ងឺ​កូ​វីដ​-១៩ និង​ជម្ងឺឆ្លង​កាច​សាហាវ និង​ប្រកបដោយ គ្រោះថ្នាក់​ផ្សេងទៀត​៕​

LEAVE A REPLY

Please enter your comment!
Please enter your name here