វៀតណាម​បិទ​ចរាចរណ៍​មនុស្ស​នៅ​តំបន់​ភាគខាងត្បូង​ទាំងមូល នៅពេលកូ​វីដ​ចម្លង​មនុស្ស​ច្រើន​បំផុត​

0
125

​ហាណូយ​៖ វៀតណាម​នឹង​រឹតបន្តឹង​លើ​ចរាចរណ៍​មនុស្ស​នៅក្នុង​ខេត្ត​ភាគខាងត្បូង​ចំនួន​១៦​សំរាប់​ពេល​២​សប្តាហ៍​ចាប់ពី​ថ្ងៃ​ចន្ទ​ទី​១៩​កក្កដា នៅ​ពេល​ប្រទេស​ជា​ពិសេស​តំបន់​ដី​សណ្ត​​ទន្លេមេគង្គ​ទាំងមូល​ផ្ទុះ​កូវី​ដ​ដ៏​អាក្រក់​បំផុត នេះ​បើ​តាម​ការប្រកាស​របស់​រដ្ឋាភិបាល​កាលពី​ថ្ងៃ​សុក្រ​។​

​យោងតាម​សេចក្តីសំរេច​មួយ​ចេញ​ដោយ​នាយក​រដ្ឋមន្ត្រី ផាំ មិញ ជិញ កាលពី​ថ្ងៃ​សៅរ៍ ខេត្ត​ក្នុង​បញ្ជី​ត្រូវ​ហាមឃាត់​ចលនា​មនុស្ស​រួមមាន​៖ Binh Phuoc, Tay Ninh, Ba Ria-Vung Tau,Can Tho, Tien Giang, Long An, Vinh Long, Dong Thap, Ben Tre, Hau Giang, An Giang, Bac Lieu, Soc Trang, Tra Vinh, Ca Mau and Kien Giang​។​

​កាលពី​ដំបូង​វៀតណាម​បាន​ខិតខំ​ទប់​ការ​ឆ្លងកូវី​ដ​១៩​អោយ​នៅ​កំរិត​ទាប​តាមរយៈ​ធ្វើ​តេ​ស្តិ៍ទ្រ​ងថ់​ទ្រាយ​ធំ និង​តាមដាន​រក​ប្រភព​ចម្លង​យ៉ាង​ហ្មត់ចត់ គ្រប់គ្រង​ព្រំដែន​និង​វិធានការ​ចត្តា​ឡី​ស័ក តែ​ការ​​ផ្ទុះ​កូវី​ដ​១៩​ជា​ចង្កោម​នៅ​ប៉ុន្មាន​សប្តាហ៍​មក​នេះ បង្ក​ការព្រួយបារម្ភ​ក្នុងចំណោម​មន្ត្រី​សុខាភិបាល​។​

​រដ្ឋាភិបាល​បាន​និយាយ​នៅក្នុង​សេចក្តីថ្លែងការណ៍​មួយ​ថា « ការផ្ទុះ​ជំងឺ​បច្ចុប្បន្ន​ដែល​យើង​កំពុង​ប្រឈម កាន់តែ​ស្មុគស្មាញ​ឡើង ។​ការទប់ស្កាត់​នេះ​ដើម្បី​សុខភាព​របស់​ប្រជាជន​»​។​

​វៀតណាម​កាលពី​ថ្ងៃ​សៅរ៍​បាន​រាយការណ៍​អ្នក​ឆ្លងកូវី​ដ​១៩​សរុប ៣.៧១៨​នាក់ ជា​ចំនួន​ឆ្លង​ប្រចាំថ្ងៃ​ខ្ពស់​បំផុត​និង​ជា​ថ្ងៃទី​៣​ជាប់​គ្នា ដែល​ប្រទេស​នេះ​មាន​អ្នក​កើតកូ​វីដ​១៩​ថ្មី​លើ​៣.០០០​នាក់​។​

​សូមបញ្ជាក់​ថា​២​ភាគ​៣​នៃ​ការឆ្លង​កាល​ពី​ម្សិលមិញ ស្ថិតនៅ​តំបន់​ខាងត្បូង ជា​ពិសេស​ក្រុង​ហូជីមិញ ។​ក្រសួង​សុខាភិបាល​បាន​និយាយថា ខ្លួន​បញ្ជូន​បុគ្គលិក​ពេទ្យ​យ៉ាងតិច​១០.០០០​នាក់​ទៅ​កាន់​បណ្តា​​ខេត្ត​រងគ្រោះ​ខ្លាំងៗ​។​

​វៀតណាម​មាន​ប្រជាជន​៩៨​លាន​នាក់ មាន​អ្នក​ឆ្លង​សរុប​តាំងពី​ឆ្នាំ​មុន​មក​ចំនួន​៤៧.៩០៤​នាក់ និង​ស្លាប់​ដោយកូវី​ដ​១៩​ចំនួន​២២៥​នាក់​។​

​កំណើន​ការឆ្លង​សព្វថ្ងៃ កាន់តែ​ដាក់​សម្ពាធ​លើ​រដ្ឋាភិបាល​អោយ​បង្កើន​ការផ្គត់ផ្គង់​និង​ចាក់​វ៉ាក់សាំង​កូវី​ដ​១៩​នៅ​ពេល​គិត​មក​ទល់​ពេល​នេះ​មាន​មនុស្ស​ត្រឹមតែ​ជាង​៣០០.០០០​នាក់​បាន​ចាក់​វ៉ាក់សាំង​​ការពារកូ​វីដ​១៩​បាន​ពេញលេញ​៕

ប្រភព : រស្មីកម្ពុជា

LEAVE A REPLY

Please enter your comment!
Please enter your name here