អង់គ្លេស​និង​អ៊ីតាលី​ឡើងទៅ​ប៉ះ​គ្នា​នៅ​វគ្គ​ផ្តាច់ព្រ័ត្រ​យូរ៉ូ​២០២០

0
29

បរទេស :អង់គ្លេស​និង​អ៊ីតាលី​ជា​ក្រុម​ចុងក្រោយ​ដែល​នៅសល់​ក្នុង​ព្រឹត្តិការណ៍​យូរ៉ូ ដែល​បាន​ពន្យារពេល​មួយ​ឆ្នាំ​ដោយ​ជំងឺ​រាតត្បាត​។

​ក្រុម​ទាំង​ពីរ​គឺជា​ក្រុម​ចុងក្រោយ​ក្នុងចំណោម​ក្រុម​ទាំង ២៤ ដែល​បាន​ចាប់ផ្តើម​នៅ​ថ្ងៃទី ១១ ខែ​មិថុនា​នៅ​ទីក្រុង​រ៉ូម ហើយ​ពួកគេ​នឹង​ត្រូវ​ជួប​គ្នា​នៅ​ថ្ងៃអាទិត្យ​ទី​១១​កក្កដា​ក្នុង​វគ្គ​ផ្តាច់ព្រ័ត្រ​យូរ៉ូ ២០២០ នៅ​កីឡដ្ឋាន Wembley ។​​

– អង់គ្លេស​

​អង់គ្លេស​បាន​លេង ៥ ដង​ក្នុង​ចំណោម ៦ ប្រកួត​របស់​ខ្លួន​នៅ​ឯ​កីឡដ្ឋាន​បាល់ទាត់​ជាតិ​របស់​ខ្លួន ហើយ​វគ្គ​ផ្តាច់ព្រ័ត្រ​នឹងធ្វើ​នៅ​កីឡដ្ឋាន Wembley ផងដែរ​។​

​ក្នុងចំណោម​ការប្រកួត​ទាំងអស់​របស់​អង់គ្លេស​រហូតមកទល់​ពេលនេះ​មាន​តែ​ជ័យជម្នះ​លើ​អ៊ុយ​ក្រែន​នៅ​វគ្គ​១/៤​ប៉ុណ្ណោះ​ដែល​លេង​នៅ​ក្រៅ​ទឹកដី​។​

​ខណៈ​ហារី ខេន ស៊ុត​មិន​ចូល​សោះ​នៅ​វគ្គ​ចាប់​ពូ​ល ខ្សែប្រយុទ្ធ​រូបនេះ​ឥឡូវ​មាន​៤​គ្រាប់​ពី​៣​ប្រកួត រួម​ទាំង​ការ​ស៊ុត​បាល់​ឡង​ពី​ដៃ​អ្នក​ចាំទី ដែល​សង្គ្រោះ​បាល់​ប៉េណាល់​ទីរ​បស់​គេ​នៅ​វគ្គ​ពាក់កណ្តាល​ផ្តាច់ព្រ័ត្រ​ទល់​នឹង​ដា​ណឺ​ម៉ាក​។

​រ៉ា​ហ៊ីម ស្ទើ​លីង ស៊ុត​បាន​៣​គ្រាប់​និង​ជា​អ្នក​ជួយ​ឱ្យមាន​បាល់​ពិន័យ​១១​ម៉ែត្រ ដែល​ធ្វើឱ្យ​អង់គ្លេស​ឡើង​វគ្គ​ផ្តាច់ព្រ័ត្រ​ក្នុង​ព្រឹត្តិការណ៍​បាល់ទាត់​ធំៗ​លើកដំបូង​ចាប់តាំងពី​ឆ្នាំ​១៩៦៦​។​

​អង់គ្លេស​របូត​តែ​១​គ្រាប់​គត់​ក្នុង​៦​ប្រកួត​។

– អ៊ីតាលី​

​បន្ទាប់​ពី​ខកខាន​មិន​បាន​ចូលរួម​ប្រកួត​វើល​ខាប់​ចុងក្រោយ អ៊ីតាលី​បាន​បង្កើត​កំណត់ត្រា​ដោយ​លេង​មិន​ដែល​ចាញ់ ៣៣ ប្រកួត​ជាប់ៗ​គ្នា​។​

​ជ័យជម្នះ ៦ លើក​ក្នុងចំណោម​នោះ​គឺ​នៅ​យូរ៉ូ ២០២០ ។​

​អ៊ីតាលី​បានទទួល​ជ័យជម្នះ​លើ​តួ​ក​គី​ស្វ៊ី​ស​និង​វែល​ក្នុង​វគ្គចែ​ក​ពូល​ប៉ុន្តែ​ក្រោយមក​ត្រូវ​លេង​ដល់​វគ្គ​បន្ថែម​ម៉ោង​ដើម្បី​យកឈ្នះ​លើ​អូទ្រីស​ក្នុង​វគ្គ ១៦ ក្រុម​។​

​ជ័យជម្នះ ២-១ ដ៏​គួរឱ្យ​ចាប់អារម្មណ៍​លើ​លេខ​១​ពិភពលោក​បែលហ្ស៊ិក​បាន​ធ្វើឱ្យ​អ៊ីតាលី​ទទួលបាន​ជ័យជម្នះ ១៣ លើ​ក​ជាប់ៗ​គ្នា​។ ជ័យជម្នះ​ជាប់ៗ​គ្នា​បាន​បញ្ចប់​ត្រឹម​វគ្គ​ពាក់កណ្តាល​ផ្តាច់ព្រ័ត្រ​ប៉ុន្តែ​អ៊ីតាលី​នៅតែ​អាច​ឡើង​ទៅ​វគ្គ​ផ្តាច់ព្រ័ត្រ​ដោយ​យកឈ្នះ​អេ​ស្ប៉ា​ញ ៤-២ ក្នុងការ​ស៊ុត​បាល់​ប៉េណាល់​ទី បន្ទាប់​ពី​លទ្ធផល​ស្មើ ១-១ ។​

​ជម្រើសជាតិ​អ៊ីតាលី​បាន​ឈាន​ដល់​វគ្គ​ផ្តាច់ព្រ័ត្រ​ជាមួយនឹង​ការ​លាយ​បញ្ចូល​គ្នា​រវាង​ខ្សែប្រយុទ្ធ​និង​ខ្សែការពារ​ដ៏​រឹងមាំ​ដែល​ឃើញ​ពួកគេ​របូត​តែ​៣​គ្រាប់​ប៉ុណ្ណោះ​នៅ​យូរ៉ូ​២០២០៕

ប្រភព : រស្មីកម្ពុជា

LEAVE A REPLY

Please enter your comment!
Please enter your name here