អាជីវករ និង​ក្រុម​សន្តិសុខ​ផ្សារ​អូឡាំពិក​ជាង​៣០០​នាក់​បាន​រកឃើញ​មាន​វិជ្ជមាន​កូ​វីដ​,៥០​ភាគរយ​បាន​ព្យាបាល​នៅតាម​ផ្ទះ​

0
214

ភ្នំពេញ​: បងប្អូន​អាជីវករ ក្រុម​សន្តិសុខ​ផ្សារ​អូឡាំពិក​និង​សន្តិសុខ​ឯកជន​ចំនួន​ជាង​៣០០​នាក់​ហើយ ដែល​ក្រុមគ្រូពេទ្យ​បាន​រកឃើញ​មាន​វិជ្ជមាន​កូ​វីដ​-១៩ គិត​ចាប់ពី​ថ្ងៃទី​១ កក្កដា មក .​ពោលគឺ​ក្រោយពី​ផ្សារ​អូឡាំពិក បាន​ផ្ទុះ​កូ​វីដ​១៩.​ក្នុង​ចំនួន​នេះ​មាន​បងប្អូន​អាជីវករ​ប្រមាណ​៥០​ភាគរយ​ដែល​បានសម្រេច​ចិត្ត​សុំ​ការព្យាបាល​នៅតាម​ផ្ទះ​។​

​លោក​ឡយ ស៊ា​ង​អាង ប្រធាន​គណៈកម្មការ​ផ្សារ​អូឡាំពិក បានឱ្យដឹង​នៅ​ល្ងាច​ថ្ងៃទី​៥​កក្កដា​នេះ​ថា នៅ​ផ្សារ​អូឡាំពិក បាន​ផ្ទុះ​ការរីក​រាលដាល​នៃ​ជំងឺ​-១៩ កាលពី​ថ្ងៃទី​១​ខែកក្កដា ហើយ​បើ​គិត​មកដល់​ថ្ងៃទី​៥​កក្កដា​នេះ​ក្នុងចំណោម​អ្នក យក​សំណាក​ចំនួន​ជាង​២.០០០​នាក់ បាន​រកឃើញថា មាន​វិជ្ជមាន​ជំងឺ​កូ​វីដ​-១៩ ចំនួន​ជាង​៣០០​នាក់ ។ ក្នុង​ចំនួន​នេះ មាន​បងប្អូន​អាជីវករ​ប្រមាណ​១៥០​នាក់ បានសម្រេច​ច​ចិត្ត​សុំ​ការព្យាបាល​នៅតាម​ផ្ទះ​។​

​គួររំលឹកថា រដ្ឋបាល​រាជ​ធា​និ​ភ្នំពេញ កាលពី​ល្ងាច​ថ្ងៃទី​២ កក្កដា​កន្លងទៅនេះ​បានប្រកាស​ពី​ការផ្អាក​ដំណើរការ​ជា បណ្តោះអាសន្ន​មជ្ឈមណ្ឌល​ពាណិជ្ជកម្ម​ផ្សារ​អូឡាំពិក​រយៈពេល​១៤​ថ្ងៃ​ដើម្បី​ប្រយុទ្ធ​និង​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩​ដោយ គិត​ចាប់ពី​ម៉ោង​សូន្យ នា​ថ្ងៃទី​៣ ខែកក្កដា​រហូតដល់​ថ្ងៃទី​១៦ ខែកក្កដា ។​

​គួរ​បញ្ជាក់ថា អាជ្ញាធរ​រាជធានី​ភ្នំពេញ និង​ស្ថាប័ន​ពាក់ព័ន្ធ កាលពី​រសៀល​ថ្ងៃ​សៅរ៍​ទី​៣​ខែកក្កដា​និង​នៅ​ព្រឹក​ថ្ងៃទី​៥​ខែ កក្កដា​នេះ បាន​បើក​កិច្ចប្រជុំ​ជា​បន្តបន្ទាប់ លើ​គម្រោង​ផែនការ​ត្រួតពិនិត្យ​ការផ្តល់​ការព្យាបាល​អ្នកជំងឺ​កូ​វីដ​-១៩​នៅតាម​ផ្ទះ ដើម្បីឱ្យ​ដំណើរការ​នៃ​ការព្យាបាល​នៅតាម​ផ្ទះ​នេះ មានគុណ​ភាព​និង​សុវត្ថិភាព ដែល​អាច​ទទួលយកបាន ។ ការរៀបចំ​ឱ្យមាន​ការព្យាបាល​អ្នកជំងឺ​កូ​វីដ​-១៩​តាម​ផ្ទះ​នេះ​ធ្វើឡើង​ស្របតាម​អនុ​សាស​ន៏​ដ៏​ខ្ពង់ខ្ពស់​របស់ សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ហើយ​ការងារ​នេះ​រាជធានី​ភ្នំពេញ​បាន​ឈាន​មួយ​ជំហាន​ទៅមុខ​រួចហើយ ដែល​មកដល់ពេលនេះរ​យៈ​ពេល​៤​ថ្ងៃ​ពីថ្ងៃ​ទី​២​ដល់​ថ្ងៃទី​៥​កក្កដា​អ្នក​ទៅយក​សំ​ណា​សរុប​ចំនួន​២៥០៣​មាន​អ្នក​វិជ្ជមាន​ជំងឺ​កូ​វីដ​ចំនួន​៣៣៤ នាក់​ហើយ​ដែល​កំពុង​សម្រាក​ព្យាបាល​នៅតាម​ផ្ទះ​៕

ប្រភព : រស្មីកម្ពុជា

LEAVE A REPLY

Please enter your comment!
Please enter your name here