ភ្នំពេញៈ បុរសពីរនាក់ជិះម៉ូតូមួយគ្រឿងមកកាប់លើមនុស្សមួយក្រុម ទៀតែលកំពុងផឹកស៊ីបណ្ដាលឲ្យរងរបួស តែត្រូវបានបុរសមួយក្រុមខាងរងគ្រោះ ព្រួតគ្នាវាយតបទៅវិញ បណ្ដាលឲ្យស្លាប់ម្នាក់ពេលបញ្ជូនទៅមន្ទីរពេទ្យ។ ហេតុការណ៍ ហិង្សានេះបានកើតឡើងកាលពីម៉ោងជាងយប់ថ្ងៃទី២៤ ខែមិថុនា ស្ថិតក្នុងភូមិ ត្រពាំងចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
បុរសដែលស្លាប់ឈ្មោះ ហែម សុគុន្ធ អាយុ៤១ឆ្នាំ ស្នាក់នៅជិតកន្លែងកើតហេតុ និង ជនរងគ្រោះរងរបួសធ្ងន់ឈ្មោះង៉ោ អាយុជាង២០ឆ្នាំស្នាក់នៅបន្ទប់ជួលជិតកន្លែង កើតហេតុកំពុងសង្គ្រោះបន្ទាន់នៅឯមន្ទីរពេទ្យ។
តាមប្រភពពីប្រជាពលរដ្ឋបានឲ្យដឹងថា មុនពេលកើតហេតុគេឃើញក្រុមបង្កមានគ្នា ពីរនាក់ជិះម៉ូតូមួយគ្រឿងមិនចាំផ្លាក លេខបានមកកាត់មុខមនុស្សមួយក្រុមទៀត កំពុងតែផឹកស៊ី។មិនដឹងជាមានរឿងអ្វីជាមួយគ្នាជិះចូលទៅបន្ទប់ជួលដែលនៅក្នុងមួយសន្ទុះជិះចេញមកវិញមានកាន់ដាវនៅនឹងដៃមកកាប់លើមនុស្សមួយក្រុមទៀតកំពុងផឹកស៊ីបណ្ដាល ឲ្យឈ្មោះង៉ោរងរបួសហើយក្រុមម្ខាងទៀតក៏វាយតបគ្នាទៅវិញ ទៅមកបណ្ដាលឲ្យជនបង្ករងរបួសធ្ងន់ធ្ងររហូតដល់ស្លាប់ពេលបញ្ជូនទៅមន្ទីរពេទ្យនិងបក្ខពួកម្នាក់ទៀតរត់គេចខ្លួនបាត់ស្រមោល។
ក្រោយកើតហេតុសមត្ថកិច្ចខណ្ឌពោធិ៍ជ័យចុះមកចំណុចកើតហេតុឃាត់ខ្លួនជនសង្ស័យប្រាំនាក់យកទៅសាកសួរបន្តនិងចាត់ការតាមនីតិវិធី ៕/PC
ប្រភព : រស្មីកម្ពុជា
