ដំណក់​ប្រេង​ដំបូង​ដែល​កម្ពុជា​ទទួលបាន គឺជា​សមិទ្ធផល​ប្រវត្តិសាស្ត្រ និង ជា​និមិត្តរូប​នៃ​ភាពជោគជ័យ​របស់​កម្ពុ​ជា

0
101

​ភ្នំពេញៈ​ដំណក់​ប្រេង​ដំបូង​ដែល​កម្ពុជា​ទទួល​បានកា​លពី​ថ្ងៃទី​២៩ ខែធ្នូ ឆ្នាំ​២០២០​គឺជា​សមិទ្ធផល ប្រវត្តិសាស្ត្រ និង​ជា​និមិត្តរូប​នៃ​ភាពជោគជ័យ​របស់​កម្ពុ​ជា​ទាំងមូល ដែល​មន្ត្រីរាជការ កងកម្លាំងប្រដាប់អាវុធ និង​ប្រជាពលរដ្ឋ​ទូទាំងប្រទេស​ទន្ទឹងរង់ចាំ​ជាច្រើន​ជំនាន់​មកហើយ​។​នេះ​ជាការ​របស់​សម្តេច​ពិជ័យ​សេនា​ទៀ បាញ់ ឧបនាយក​រដ្ឋ​ន្ត្រី​រដ្ឋមន្ត្រី​ក្រសួងការពារជាតិ​ថ្លែង​នៅក្នុង​ពិធី​ប្រគល់​ទទួល​កែវ​ដំណក់​ប្រេង​ដំបូង​របស់​កម្ពុជា​នៅ​ព្រឹក​ថ្ងៃទី​៩​ខែមិថុនា​នេះ​នៅ​វិមាន​ឈ្នះ​ឈ្នះ នៅ​ខណ្ឌ​ជ្រោយចង្វា រាជធានី​ភ្នំពេញ​។​

រូបថតៈពិធី​ប្រគល់​ទទួល​កែវ​ដំណក់​ប្រេង​ដំបូង​របស់​កម្ពុជា​នៅ​ព្រឹក​ថ្ងៃទី​៩​ខែមិថុនា​នេះ​នៅ​វិមាន​ឈ្នះ​ឈ្នះ នៅ​ខណ្ឌ​ជ្រោយចង្វា រាជធានី​ភ្នំពេញ​

​សម្តេច​ពិជ័យ​សេនា​ទៀ​បាញ់​បាន​បន្តថា​ក្នុងនាម​គណៈកម្មការ​សាងសង់​វិមាន​ឈ្នះ​ឈ្នះ​សូម​សម្តែង​ការកោតសរសើរ​ចំពោះ​ថ្នាក់ ដឹកនាំ មន្ត្រី រាជការ នៃ​ក្រសួង​រ៉ែ និង​ថាមពល ដឹកនាំ​ដោយ​លោក​រដ្ឋមន្ត្រី ស៊ុយ សែម​ដែល​បាន​ខិតខំ​យក ចិត្ត​ទុកដាក់​ប្រកបដោយ​ស្មារតី​ទទួលខុសត្រូវ​ខ្ពស់​ក្នុងការ​រៀបចំ​កែវ​ផ្ទុក​ដំណក់​ប្រេង​ដំបូង​របស់​កម្ពុជា​តាម​រចនាបថ​ខ្មែរ ទំនើប​មាន​ភាពស្រស់​បំព្រង រស់​រវើក និង​បានបង្ហាញ​ពី​អត្ថន័យ​តាម​ក្បាច់ចម្លាក់​នីមួយៗ និង​ឯកសារ​មួយចំនួនទៀត ប្រគល់ជូន​គណៈកម្មកា​រ​សាងសង់​វិមាន​ឈ្នះ ឈ្នះ​នាពេលនេះ ដើម្បី​យកមក​ទុកដាក់​ជាវ​ត្ថុ​តឹកតាង ប្រវត្តិសាស្ត្រ​នៅ​វិមាន​ឈ្នះ ឈ្នះ ក្នុង​សារមន្ទីរ​មគ្គុទ្ទេសក៍​តេ​ជោ​សែន តាម​អនុសាសន៍​ណែនាំ​ដ៏​ខ្ពង់ខ្ពស់​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា កាលពី​ថ្ងៃទី​២៨ ខែ ឧសភា ឆ្នាំ​២០២០​។​

រូបថតៈពិធី​ប្រគល់​ទទួល​កែវ​ដំណក់​ប្រេង​ដំបូង​របស់​កម្ពុជា​នៅ​ព្រឹក​ថ្ងៃទី​៩​ខែមិថុនា​នេះ​នៅ​វិមាន​ឈ្នះ​ឈ្នះ នៅ​ខណ្ឌ​ជ្រោយចង្វា រាជធានី​ភ្នំពេញ​
​ក្នុងឱកាស​នេះ សម្តេច​ពិជ័យ​សេនា​បាន​អំពាវនាវ​ដល់​ក្រសួង​ស្ថាប័ន​ពាក់ព័ន្ធ​បន្ត​ចូលរួម​គាំទ្រ​អភិវឌ្ឍន៍​សារមន្ទីរ​មគ្គុទេសក៍ តេ​ជោ​សែន​យើង​នេះ​ទៅតាម​តួនាទី​ភារកិច្ច​រៀងៗ​ខ្លួន​ឲ្យ​កាន់តែ​រីកចម្រើន​ថែមទៀត តាមរយៈ​ការផ្តល់​វត្ថុ​តឹកតាង និង​ឯកសារ​ពាក់ព័ន្ធ ដែលជា​សមិទ្ធផល​សំខាន់ៗ​សម្រេច​បានជា​ប្រវត្តិសាស្ត្រ តាមរយៈ​នយោបាយ​ឈ្នះ ឈ្នះ ដើម្បី​ក្រុមការងារ​តម្កល់ទុក​ក្នុង​សារមន្ទីរ​វិមាន​ឈ្នះ ឈ្នះ សម្រាប់​ទុក​ជូន​មនុស្ស​ជំនាន់​ក្រោយ​សិក្សា​រៀន​សូត ដូចដែល​ក្រសួង​រ៉ែ និង​ថាមពល​បានប្រគល់​ជូន​នា​ថ្ងៃនេះ ជា​សក្ខីភាព​ស្រាប់​។​
​ជាមួយគ្នានេះ សម្តេច​ក៏បាន​អរគុណ​ចំពោះ​ក្រុមការងារ​សាងសង់​វិមាន​ឈ្នះ ឈ្នះ ដែល​បាន​សហការ​យ៉ាង​ជិតស្និទ្ធ​ជាមួយ​ក្រសួង​រ៉ែ និង​ថាមពល ព្រមទាំង​ស្ថាប័ន​ពាក់ព័ន្ធ​រៀបចំ​ពិធី​ប្រគល់ ទទួល​នា​ថ្ងៃនេះ​ដំណើរការ​ដោយ រលូន​តាម​កម្មវិធី​គ្រោងទុក តាម​វិធានការ​សុខាភិបាល ដើម្បី​ប្រយុទ្ធ និង​ទប់ស្កាត់​ការឆ្លង​រាលដាល​ជំងឺ​កូ​វីដ​-១៩​។

រូបថតៈពិធី​ប្រគល់​ទទួល​កែវ​ដំណក់​ប្រេង​ដំបូង​របស់​កម្ពុជា​នៅ​ព្រឹក​ថ្ងៃទី​៩​ខែមិថុនា​នេះ​នៅ​វិមាន​ឈ្នះ​ឈ្នះ នៅ​ខណ្ឌ​ជ្រោយចង្វា រាជធានី​ភ្នំពេញ​

​សម្តេច​ពិជ័យ​សេនា​បាន​បញ្ជាក់ថា តាមរយៈ “​នយោបាយ ឈ្នះ ឈ្នះ​” របស់​សម្តេច​អគ្គមហាសេនាបតី​តេ​ជោ ហ៊ុន សែន បានធ្វើ​ឲ្យ​ប្រទេស ជាតិ​មាន​សន្តិភាព​ពេញលេញ ឯកភាព​ជាតិ ឯកភាព​ទឹកដី និង​មានការ​អភិវឌ្ឍ​លើ​គ្រប់​វិស័យ ប្រជាជនមាន​សិទ្ធិ សេរីភាព​បរិបូរណ៍ និង​រស់នៅ​យ៉ាង​សុខដុមរមនា ការពារ​យ៉ាងរឹងមាំ​នូវ​ឯករាជ្យ អធិបតេយ្យ និង​បូរណភាព​ទឹកដី ហើយ​កំពុង​បន្ត​ឈានទៅ​មុខ​យ៉ាង​ស្វាហាប់​លើ​មាគ៌ា​សន្តិភាព និង​ប្រជាធិបតេយ្យ ឆ្ពោះទៅ​សម្រេច​គោលដៅ តាម​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤ ដែល​បាន​ដាក់ចេញ​។ ជាក់ស្តែង នៅក្នុង​រយៈពេល​ជិត​២៣​ឆ្នាំ​ចុង​ក្រោយនេះ ប្រទេសជាតិ​មានការ​អភិវឌ្ឍន៍​រីកចម្រើន​លើ​គ្រប់ វិស័យ​គួរ​ឲ្យ​កត់សម្គាល់ ក្នុងនោះ​វិស័យ​រ៉ែ និង​ថាមពល គឺជា​វិស័យ​មួយ​រួមចំណែក​យ៉ាងសំខាន់ ក្នុងការ​ជំរុញ កំណើនសេដ្ឋកិច្ច​ជាតិ​ឲ្យ​កាន់តែ​មាន​ភាព​រីកចម្រើន​ថែមទៀត​។ ជាក់ស្ដែង ដំណក់​ប្រេង​ដំបូង​របស់​កម្ពុជា ដែល ទទួលបាន​កាលពី​ថ្ងៃទី​២៩ ខែធ្នូ ឆ្នាំ​២០២០ គឺជា​ការចាប់ផ្តើម​ជំហាន​ដំបូង​មួយ​ដ៏​សំខាន់​សម្រាប់​កម្ពុជា ឆ្ពោះទៅ បង្កើតបាន​នូវ​សមត្ថភាព​ជាតិ និង​ខឿន​ឧស្សាហកម្ម​ប្រេងកាត ឧស្ម័ន និង​ថាមពល​នៅ​កម្ពុជា​។ ផលប្រយោជន៍ សំខាន់ៗ​នៃ​ឧស្សាហកម្ម​ប្រេងកាត ឧស្ម័ន និង​ថាមពល​នេះ បាន​នាំមក​នូវ​ចំណូល​ថវិកាជាតិ​ហើយ​ផល​សេដ្ឋកិច្ច ទទួលបាន​ពី​ការបង្កើត​នូវ​ពិពិធ​កម្ម ខឿន​ឧស្សាហកម្ម​ក្នុង​វិស័យ​ប្រេងកាត នឹង​កសាង​សមត្ថភាព​ជាតិ​ក្នុង​វិស័យ នេះ​ថែម​ទៀតផង​។ សមិទ្ធផល​សម្រេចបាន​ទាំងអស់នេះ បាន​ឆ្លុះបញ្ចាំង​ឲ្យ​ឃើញច្បាស់​អំពី​សមត្ថភាព និង​ប្រសិទ្ធភាព​នៃ​ការ ដឹកនាំ​របស់​រាជរដ្ឋាភិបាល​កម្ពុជា ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន ជា​ប្រមុខ​ដ៏​ឈៀ​សវ និង​ប្រកបដោយ​គតិបណ្ឌិត ស្មារតី​សាមគ្គីភាព ឯកភាព​ផ្ទៃក្នុង​ដ៏​រឹងមាំ និង​ការចូលរួម​យ៉ាងសកម្ម​របស់​ប្រជាជន ប្រកបដោយ​ភាព​ម្ចាស់​ក្នុងការ​ថែរក្សា​សមិទ្ធផល​នៃ​សង្គមជាតិ តាម​ទិស​ស្លោក “​អរគុណ​សន្តិភាព​” “​ស្រលាញ់ សន្តិភាព​” “​មាន​សន្តិភាព​ទើប​មានការ​អភិវឌ្ឍ និង​មាន​អ្វីៗ​ទាំងអស់​”​។​

រូបថតៈពិធី​ប្រគល់​ទទួល​កែវ​ដំណក់​ប្រេង​ដំបូង​របស់​កម្ពុជា​នៅ​ព្រឹក​ថ្ងៃទី​៩​ខែមិថុនា​នេះ​នៅ​វិមាន​ឈ្នះ​ឈ្នះ នៅ​ខណ្ឌ​ជ្រោយចង្វា រាជធានី​ភ្នំពេញ​

​ក្នុងឱកាស​នេះ សូម​សម្តែង​ការកោតសរសើរ និង​វាយតម្លៃ​ខ្ពស់​ចំពោះ​ថ្នាក់ដឹកនាំ មន្ត្រី​នៃ​ក្រសួង​រ៉ែ និង ថាមពល ដែល​បាន​ខិតខំ​យកចិត្តទុកដាក់​ក្នុងការ​រុករក ស្រាវជ្រាវ​រកឃើញ និង​ធ្វើ​អាជីវកម្ម​ធនធាន​រ៉ែ ប្រេង​នៅ កម្ពុជា ស្របតាម​គោលនយោបាយ​ជាតិ ស្ដីពី​ធនធាន​រ៉ែ និង​យុទ្ធសាស្ត្រ និង​ផែនការ​សកម្មភាព​សំខាន់ៗ ដែលជា ចក្ខុវិស័យ​របស់​រាជ​រដ្ឋាភិបាល​ក្នុងការ​អភិវឌ្ឍ​ធនធាន​រ៉ែ ប្រកបដោយ​ចីរភាព ប្រសិទ្ធភាព ប្រសិទ្ធ​ផល និង​ត​ម្ល ភាព ស្របតាម​កម្មវិធី​នយោបាយ​របស់​រាជរដ្ឋាភិបាល នីតិកាល​ទី​៥ នៃ​រដ្ឋសភា ដែល​បាន​កំណត់ថា “​អភិវឌ្ឍន៍​ធនធាន​រ៉ែ និង​ឧស្ម័ន ដើម្បី​ប្រែក្លាយ​ធនធាន​នេះ​ឲ្យ​ទៅជា​ប្រភព​ថ្មី​មួយទៀត នៃ​កំណើនសេដ្ឋកិច្ច​របស់​ក​ម្ពុ​ជា​”​។​

​សូមបញ្ជាក់ថា សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា កាលពី​ថ្ងៃទី​២៩ ខែធ្នូ​ឆ្នាំ ២០២០​ដែលជា​ថ្ងៃ​ខួប​លើក​ទី ២២ នៃ នយោបាយ​ឈ្នះ​ឈ្នះ បានប្រកាសថា ការរកឃើញ​ដំណក់​ប្រេង​ដំបូង​គឺ​ស្ថិត នៅ​ប្លុក​អេ​(A)​នៃ​ឈូង​សមុទ្រ កម្ពុជា រកឃើញ​ដោយ​ក្រុមហ៊ុន គ្រី​ស អេ​ន​ណូ​ជី ដែល​បាន​ខួង​រណ្តៅ​ប្រេង​ពី​បាតសមុទ្រ នៃ​ខេត្ត​ព្រះសីហនុ ។ សមិទ្ធផល​ដែល​បាន​ពី​អាជីវ កម្ម​ប្រេងកាត​កម្ពុជា និង​ត្រូវ​ផ្តល់​ជា​អាទិភាព​លើ​វិស័យ​អប់រំ វិស័យ​សុខាភិបាល​ហើយ​គាប់ ជួន​ខ្លាំងណាស់​ជាមួយនឹង​ខួប​លើក​ទី​២២​ឆ្នាំ​នៃ​ការបញ្ចប់​សង្គ្រាម​នៅ​កម្ពុជា មោទនភាព​សម្រាប់​កម្ពុ​ជា​ជា​ប្រទេស​តូច​”​។​

​សម្តេច​តេ​ជោ​នាយករដ្ឋមន្ត្រី​បានបញ្ជាក់​ពី​ការ​បូម​ប្រេង​ពី​បាតសមុទ្រ​ស្ថិតនៅក្នុង​ប្លុក​អេ​(A)​ដែល​បាន​បូម​ចេញ​ជា​ដំណក់​ប្រេង​លើកដំបូង​នៅលើ​ទឹកដី​ដ៏​កម្សត់​មួយ​នេះ​ទើប​សម្តេច​តេ​ជោ ជ្រើស​រើសយក​ថ្ងៃទី​២៩​ខែធ្នូ​ដែលជា​ថ្ងៃ​នៃ​ការបញ្ចប់ សង្គ្រាម​នាំមក​នូវ​សន្តិភាព​និង​ការឯកភាព​ជាតិ ជា​លើកដំបូង​ក្នុង​រយៈពេល​ដ៏​យូរលង់​របស់​កម្ពុជា ។​បើ​គ្មាន​សន្តិភាព​ទេ វា​ក៏​អត់​មាន​ផងដែរ​វ​នូវ​ការឯកភាព​ជាតិ គ្មានទេ​នៅ​ព្រឹត្តិការ​ណ៏​ដំណក់​ប្រេង​ដំបូង​នៅ​ថ្ងៃ ទី​២៩​ធ្នូ​ឆ្នាំ​២០២០​។​

​ទន្ទឹមនេះដែរ​នៅ ថ្ងៃទី​២៩ ខែធ្នូ ឆ្នាំ​២០២០​ដដែល​លិខិត​អបអរសាទរ​របស់លោក ស៊ុយ សែម រដ្ឋមន្ត្រីក្រសួង​រ៉ែ និង ថាមពល​គោរព​ជូន​សម្តេច​តេ​ជោ​ហ៊ុន សែន បាន​បញ្ជាក់ថា ដំណក់​ប្រេង​ដំបូង​ដែល​កម្ពុជា​ទទួលបាន​ថ្ងៃនេះ ជា​លទ្ធផល​ប្រវត្តិសាស្ត្រ ហើយក៏​ជា​និមិត្តរូប​នៃ​ជោគជ័យ របស់​ជាតិ​កម្ពុជា​ទាំងមូល​ដែល​យើងខ្ញុំ​ព្រមទាំង​ប្រជាពលរដ្ឋ ទូទាំងប្រទេស​បាន​ទន្ទឹម​រង់ចាំ​ជាច្រើន​ជំនាន់ មកហើយ​។

​ថ្ងៃនេះ​កម្ពុជា​បាន​ក្លាយជា​ប្រទេស​ផលិត​ប្រេង​មួយ​ដែរ​ក្នុងចំណោម​ប្រទេសមួយ​ចំនួន​តូច​ក្នុង​ពិភពលោក​ដែល​កូន​ខ្មែរ សម័យ​តេ​ជោ​គួរ​មាន​មោទនភាព​។ ក្នុងនាម​ថ្នាក់ដឹកនាំ​មន្ត្រីរាជការ​ក្រសួង​រ៉ែ​និង​ថាមពល យើងខ្ញុំ​សូម​អបអរសាទរ​ដោយ ស្មោះ​អស់ពីដួងចិត្ត​ចំពោះ​សមិទ្ធផល​ថ្មី​នៃ​នយោបាយ​ឈ្នះ ឈ្នះ របស់ សម្ដេច​តេ​ជោ​នាយករដ្ឋមន្ត្រី​ដែល​បង្ហាញ​ចេញ ជា​ផ្លែផ្កា​ក្នុងថ្ងៃនេះ​។ ក្ដី​ស្រមៃ​ជា​យូរ​មកហើយ​បានក្លាយ ជាការ​ពិត​ក៏​អាស្រ័យ​ដោយ​សន្តិភាព​យូរអង្វែង ដែល សម្តេច​តេ​ជោ​បាន​កសាង​និង​ថែរក្សា​ដោយ​យក​ជីវិត​ជាដើម​ទុន​លើសពីនេះទៅទៀត​ការដឹកនាំ​ដ៏​ភ្លឺស្វាង​បាន​ផ្តល់នូវ​ទំនុកចិត្ត​សម្រាប់​វិនិយោគិន​ជាតិ​និង​អន្តរជាតិ ក្នុងការ​ដាក់ទុន​ដ៏​សន្ធឹកសន្ធាប់​និង​ជា​បន្តបន្ទាប់ សម្រាប់​អភិវឌ្ឍ​សេដ្ឋកិច្ចជាតិ​។​

ជាក់ស្ដែង​ទោះជា​វិស័យ​ប្រេងកាត​ដែល​ត្រូវការ​វិនិយោគ​ខ្ពស់​ហើយ​ត្រូវ​ប្រឈម​ហានិភ័យ​ខ្ពស់​ដូចគ្នា​ក៏​តួអង្គ​ទាំងឡាយ​នៅ ក្នុង​ជោគជ័យ​ថ្ងៃនេះ នៅតែ​ជំនះបាន​ដោយ​ក្តី​ជឿជាក់​ក្នុង​ចិត្ត​និង​ក្នុងការ​ដឹកនាំ​របស់​ស​ម្ដេច​តេ​ជោ​។ ដំណក់​ប្រេង​ដំបូង​របស់​កម្ពុជា ក្នុង​បរិបទ​សេដ្ឋកិច្ចពិភពលោក​ដ៏​លំបាក​គំរាមកំហែង​ដោយ​មេរោគ​រាតត្បាត កូ​វី​ឌ​-១៩ គឺជា​សក្ខីភាព​នៃ​ការ​ខំប្រឹងប្រែង​អំណត់​ព្យាយាម​និង​ពុះពារ​លុះត្រា​សម្រេចបានរ​បស់​រាជរដ្ឋាភិបាល​និង​វិនិយោគិន​ដែល​យើងខ្ញុំ​ទាំងអស់គ្នា​សូម​ចូលរួម​កោតស្ញប់ស្ញែង​៕

LEAVE A REPLY

Please enter your comment!
Please enter your name here