ថ្ងៃទី ២៨ ខែឧសភា ឆ្នាំ ២០២១ នេះ គេឃើញ តារាសម្តែង សាវិន ហ្វីលីព បានបង្ហោះសារដ៏ក្រៀមក្រំ និងភ្ញាក់ផ្អើលបំផុតមួយថា ៖
“RIP សូមចូលរួមរំលែកទុក្ខ ដ៏ក្រៀមក្រំ ចំពោះមរណភាព តារាចម្រៀងល្បីឈ្មោះ សុិន ឧត្តមផល្លា ដោយសារជំងឺមហារីកកូនកណ្ដុរ នៅព្រឹកថ្ងៃទី ២៨ ឧសភា ២០២១ វេលាម៉ោង ៧.៣០នាទីព្រឹកនេះ…
សង្ខាមិនទៀងមែន ព្រោះខ្ញុំទេីបតែនិយាយជាមួយគាត់តាមឆាត ប៉ុន្មានថ្ងៃមុនសោះ ប្អូនស្រីថាគាត់នឹងមិនអីទេ អ្វីៗនឹងប្រសេីរទ្បេីង តែពេលនេះប្អូនទៅបានសុខហេីយ…”។
ចំណែកនៅមុននេះបន្តិច នាថ្ងៃដដែល គេឃើញ តារាម៉ូដែល គង់ ចាន់សូរិយា បានទៅចូលរួមពិធីបុណ្យស.ព សុិន ឧត្តមផល្លា រួចពោលពាក្យទំាងទឹកភ្នែក បែបនេះថា ៖
“ខ្លោចចិត្តនឹងកូនតូចៗ របស់គាត់ ដែលបាត់បង់ម្តាយទាំងវ័យក្មេង ពួកគេត្រូវកំព្រាឪពុកម្តាយតាំងពីក្មេង អង្គុយតែយំ ថវិកា ដែលបងប្អូននិងមិត្តភក្តិ គាត់ចូលបុណ្យតាមរយៈនាងខ្ញុំ សរុបទាំងខ្ញុំ 445$ សូមជូនបុណ្យអ្នកទាំងអស់គ្នាផង សូមអោយអ្នកទាំងអស់គ្នាទទួលចំណែកបុណ្យស្មើៗគ្នា”។
ដើម្បីជ្រាប កាន់តែច្បាស់បន្ថែមទៀត សូមទស្សនាទិដ្ឋភាពពិធីបុណ្យស.ព តារាចម្រៀង សុិន ឧត្តមផល្លា ខាងក្រោមនេះ ទំាងអស់គ្នា ៖
