តារា​កំប្លែង​នាយ​ក្រិន មាន​ជំងឺ និង​ចិញ្ចឹម​កូនតូច ៣​នាក់ ទទួលបាន​អំណោយ​ឧបត្ថម្ភ ពីស​ម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន

0
287

បាត់ដំបង​៖ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា នៅ​ព្រឹក​ថ្ងៃទី ២៥​ខែឧសភា ឆ្នាំ​២០២១ បាន​ចាត់​ឱ្យ លោក​បណ្ឌិត ប៊ុត គឹមស៊ាន ប្រធាន​គណៈកម្មាធិការ សាខា​កាកបាទក្រហមកម្ពុជា ខេត្តបាត់ដំបង និង​សហការី ជួប​សំណេះសំណាល សួរសុខទុក្ខ ពី​ស្ថានភាព​រស់នៅ សុខភាព និង​ជួយឧបត្ថម្ភ​អំណោយ ដើម្បី​សម្រាល​ការលំបាក ផ្នែក​ជីវភាព​ដល់ លោក ទេស សុ​ជុន (​ហៅ នាយ​ក្រិន​) អាយុ ៤២ ឆ្នាំ ជា​តារា​កំប្លែង មាន​មាឌតូច​ល្អិត កំពុងមាន​ជំងឺ ប្រចាំកាយ និង​មាន​កូនតូច​ប្រុស​ស្រី ចំនួន ៣ នាក់ រស់នៅក្នុង​បន្ទុក ក្រុមគ្រួសារ ស្ថិតនៅ​ភូមិ​ស្លក្រាម ឃុំ​វត្ត​តា​មិ​ម ស្រុក​សង្កែ ខេត្តបាត់ដំបង ។​

​ក្នុងឱកាស​ជួប​សំណេះសំណាល​នោះ លោក​បណ្ឌិត ប៊ុត គឹមស៊ាន បាន​ពាំនាំ ប្រសាសន៍​ផ្តាំ ផ្ញើ​សួរសុខទុក្ខ​របស់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ដោយ​ក្តី​អាណិតអាសូរ និង​លើកទឹកចិត្ត ដល់​លោក ទេស សុ​ជុន (​ហៅ នាយ​ក្រិន​) សូម​ប្រឹងប្រែង ប្រកប​របរ​ចិញ្ចឹមជីវិត ដើម្បី​ជីវភាព​គ្រួសារ និង​ត្រូវ​ថែទាំ​សុខភាព ឱ្យបាន​ល្អ អនុវត្តតាម​វិធានការ​នានា របស់​ក្រសួងសុខាភិបាល​ដោយ​អនុវត្ត​វិធី​កាត់ បន្ថយ ហានិភ័យ ពី​ការឆ្លង​ជំងឺ​កូ​វីដ​១៩ គឺ ៣​ការពារ (១.​ពាក់​ម៉ាស ២.​លាង​សម្អាត ដៃ​ឲ្យ​បាន​ញឹកញាប់ ៣.​គម្លាត​សុវត្ថិភាព​សង្គម និង​គម្លាត​សុវត្ថិភាព​បុគ្គល​ចាប់ពី​១ ម៉ែត្រ​កន្លះ​ឡើងទៅ ) ៣​កុំ (១.​កុំទៅ​កន្លែង​បិទ​ជិត​គ្មាន​ខ្យល់​ចេញចូល​កុំ​ប្រើ​ម៉ាស៊ីន ត្រជាក់ ច្រើនពេក ២.​កុំទៅ​កន្លែង​មាន​មនុស្ស​ច្រើន​កុះករ ៣.​កុំ​ប៉ះពាល់​គ្នា កុំ​ចាប់ដៃគ្នា កុំ​កៀក​ស្មា​គ្នា កុំ​ឱប​គ្នា​ជាដើម ) និង ២ ចូលរួម​(១.​ចាក់​វ៉ាក់សាំង​ការពារ ជំងឺ​កូ​វីដ​-១៩ , ២.​ស្កេ​ន​កូដ​ទីតាំង​ទប់ស្កាត់ ជំងឺ​កូ​វីដ​-១៩ )​។​

​អំណោយ​រួមមាន អង្ករ ១០០ គីឡូក្រាម ទឹកបរិសុទ្ធ​វី​ឃែ​រ ១០​កេស នំ​ធុង​៣​ធុង និង​ថវិកា ៥ លាន​រៀល​។ ដោយឡែក លោក​បណ្ឌិត ប្រធាន​គណៈកម្មាធិការ សាខា​កាកបាទក្រហមកម្ពុជា ខេត្តបាត់ដំបង​បាន​ជួយ​ថវិកា ដល់​ឪពុក និង​កូន​នាយ​ក្រិន នូវ​ថវិកា មួយចំនួន​ផងដែរ​៕/

ប្រភព :រស្មីកម្ពុជា

LEAVE A REPLY

Please enter your comment!
Please enter your name here