រដ្ឋមន្រ្ដីក្រសួងព័ត៌មាន៖ ត្រូវចាំថា ការដែលប្រព័ន្ធផ្សាយរបស់រដ្ឋផ្សាយគឺជាព័ត៌មានពិត ត្រឹមត្រូវ ច្បាស់លាស់ និងជឿទុកចិត្តបាន

0
318

ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មានបានគូសបញ្ជាក់ថា សម្រាប់ការដែល​ប្រព័ន្ធផ្សាយរបស់រដ្ឋចេញផ្សាយគឺជាព័ត៌មានពិត ត្រឹមត្រូវ ច្បាស់លាស់ ជឿទុក ចិត្តបាន ដោយ​មិនធ្វើឱ្យប្រជាពលរដ្ឋ មានការយល់ច្រឡំនោះទេ។ ការគូសបញ្ជាក់របស់​ឯកឧត្ដម​រដ្ឋ​​មន្រ្ដីនេះ បានធ្វើឡើងក្នុងកិច្ចប្រជុំថ្នាក់ដឹកនាំក្រសួងព័ត៌មាន ដើម្បីធ្វើការត្រួត​ពិនិត្យ​ផែន​ការសម្មភាព វឌ្ឍនភាពការងារលើវិស័យផ្សព្វផ្សាយព័ត៌មាន និងសោតទស្សន៍ ក៏ដូច​ជាផ្នែកពាក់ព័ន្ធនានា នៅព្រឹកថ្ងៃទី២៦ ខែឧសភា ឆ្នាំ២០២១ នៅទីស្ដីការ​ក្រសួង​ព័ត៌មាន។

ឯកឧត្តម ខៀវ កាញារីទ្ធ បានមានប្រសាសន៍រម្លឹកដល់ប្រព័ន្ធផ្សព្វផ្សាយរបស់​រដ្ឋ​ទាំងអស់ ត្រូវបន្តផ្សាយនូវរាល់ដំណឹង ផ្លូវការ ដែលចេញដោយស្ថាប័នរដ្ឋ កុំយកពីប្រភព​ណាដែលមិនច្បាស់លាស់។ ឯកឧត្ដមរដ្ឋមន្រ្ដីបានលើកឡើងថា រាល់ព័ត៌មាន ត្រូវរហ័ស និង​មានការផ្ទៀងផ្ទាត់ឱ្យបានត្រឹមត្រូវ ទើបរាល់ព័ត៌មាន និងដំណឹងដែលផ្សាយចេញទៅ ទទួលបាននូវទំនុកចិត្ត និងទទួលយកបាន ព្រមទាំងមានការជឿជាក់ពីប្រជាពលរដ្ឋ​ទូទៅ។   ជាមួយគ្នានេះដែរ ឯកឧត្ដមក៏បានសម្ដែងនូវការកោត​សរសើរ​ចំពោះ​វឌ្ឍនភាព​ការ​​ងារដែលថ្នាក់ដឹកនាំ មន្រ្តីគ្រប់លំដាប់ថ្នាក់ក្រោមឱវាទ ក្រសួងព័ត៌មាន បានរួមគ្នា​សម្រេច​អនុវត្តន៍ ក្នុងរយៈពេលកន្លងមក ដែលឆ្លុះបញ្ចាំងឱ្យឃើញពីស្មារតីទទួល​ខុសត្រូវ និងយកចិត្តទុកដាក់ខ្ពស់លើការងារព័ត៌មាន និងសោតទស្សន៍ ព្រមទាំង​បង្ហាញ​ឱ្យឃើញ​ពីស្មារតីសាមគ្គីភាព ឯកភាព និងសហការគ្នា។ ឯកឧត្តមរដ្ឋមន្រ្តីបានធ្វើការជំរុញ លើកទឹក​ចិត្តដល់ថ្នាក់ដឹកនាំ មន្រ្តីជំនាញគ្រប់ផ្នែក ត្រូវធ្វើយ៉ាងណារៀបចំបច្ចុប្បន្នភាពការងារ ផ្ទៃ ក្នុងបានកាន់តែល្អប្រសើរបន្ថែមទៀត ព្រោះថា ក្រសួងព័ត៌មាននៅមានកិច្ច​ការ​ងារ សំខាន់ៗជាច្រើនទៀតដែលត្រូវធ្វើ។ ទន្ទឹមនេះ បើទោះបីស្ថិតកាលៈទេសៈ នៃជំងឺកូវីដ-១៩នេះក៏​ដោយ ប៉ុន្តែស្ថាប័នព័ត៌មាន នៅតែដើរតូនាទីយ៉ាងសកម្មក្នុងការផ្សព្វ ផ្សាយព័ត៌ មានពិត ទាន់ហេតុការណ៍នូវរាល់ព្រឹត្តការណ៍ថ្មីៗ ឱ្យសាធារណជនបានដឹង។

ឯកឧត្ដមរដ្ឋមន្រ្ដីបានណែនាំដល់គ្រប់អង្គភាពប្រព័ន្ធផ្សព្វផ្សាយរបស់រដ្ឋ ទាំងអស់ ត្រូវបន្តចូលរួម និងអនុវត្តន៍តាមការណែនាំរបស់ ក្រសួងសុខាភិបាល និងប្រមុខរាជរដ្ឋាភិ​បាលក្នុងការបង្ការ និងទប់ស្កាត់ការឆ្លងរីករាលដាល នៃជំងឺកូវីដ១៩ ដោយអនុវត្ដន៍នូវ​វិធានការ ៣ កុំ ៣ ការពារ៕

ប្រភព​ : មន្រ្ដីក្រសួងព័ត៌មាន

LEAVE A REPLY

Please enter your comment!
Please enter your name here