ក្រុមអ្នកគាំទ្រ និងសាច់ញាតិរបស់បុរសជនជាតិអាមេរិកដើមកំណើតអាហ្រ្វិកគឺលោក George Floyd បានដើរក្បួនកាលពីថ្ងៃអាទិត្យ ទី២៣ ឧសភា មុនគម្រប់ខួបមួយឆ្នាំនៃការធ្វើឃាតដោយប៉ូលីសស្បែកស ដែលបានជំរុញឱ្យមានការគិតគូរអំពីភាពអយុត្តិធម៌ពូជសាសន៍នៅសហរដ្ឋអាមេរិក។ អ្នកដើរហែក្បួនប្រមាណជា ១៥០០ នាក់នៅទីក្រុង Minneapolis បានស្តាប់សុន្ទរកថាហើយចូលរួមជាមួយសមាជិកគ្រួសារ និងសាច់ញាតិរបស់ជនជាតិស្បែកខ្មៅដទៃទៀត ដែលបានស្លាប់នៅពេលជួបជាមួយប៉ូលីស។ Floyd អាយុ ៤៦ ឆ្នាំត្រូវបានសម្លាប់ដោយប៉ូលីសទីក្រុងលោក Derek Chauvin ដែលបានលុតជង្គង់សង្កត់ករបស់គាត់អស់រយៈពេលជាង ៩ នាទី ។ Chauvin ត្រូវបានគណៈវិនិច្ឆ័យ កាត់ទោសនៅថ្ងៃទី ២៥ ខែមិថុនា ។ ការប្រមូលផ្តុំបានបើកដោយសុន្ទរកថានៅខាងក្រៅមជ្ឈមណ្ឌលរដ្ឋាភិបាល Hennepin County នៅកណ្តាល ទីក្រុង MInneapolis ជាកន្លែងដែល Chauvin ត្រូវបានជំនុំ ជម្រះ។ មរណភាពរបស់ Floyd បានបង្កឱ្យមានការតវ៉ាប្រឆាំងនឹងភាពអយុត្តិធម៌ពូជសាសន៍នៅទូទាំងសហរដ្ឋអាមេរិក និងនៅជុំវិញពិភពលោក“ មានរយៈពេលយូរឆ្នាំមកហើយ។ ប្អូនស្រីរបស់ Floyd បាននិយាយថាជីវិតរបស់នាងបានផ្លាស់ប្តូរ “ក្នុងមួយពព្រិចភ្នែក” នៅពេលដែលបងប្រុសរបស់នាងបានស្លាប់។ នាងនិយាយថា“ ខ្ញុំនឹងឈរ ដើម្បីធ្វើជាសំលេងរបស់គាត់” ។ ខ្ញុំនឹងឈរដើម្បីឲ្យមានការផ្លាស់ប្តូរសម្រាប់គាត់។(AFP)
