អ្នក​ស្លា ប់​​ដោយសារ​​កូវីដ-១៩នៅឥណ្ទា​ជាង​៤.៥០០​នាក់ក្នុងមួយថ្ងៃ​ ​ជា​ចំនួន​ខ្ពស់​មិន​ធ្លាប់​មាន

0
85

ក្រសួង​សុខាភិបាល​ឥណ្ឌា​បានឲ្យ​ដឹងកាលពីថ្ងៃ ​ពុធ​ម្សិលមិញ​ថា ប្រទេស​នេះមាន​អ្នក​ស្លា ប់ដោយសារ​ជំងឺ​កូវីដ​១៩​ ​ក្នុង​រយៈ​ពេល២៤​ម៉ោង​ចុង​ក្រោយ​កើន​ដល់​៤.៥២៩​នាក់ ដែល​ជា​ចំនួនអ្នក​ស្លា ប់​លើស៤.៥០០​នាក់​ក្នុង​មួយ​ថ្ងៃដំបូង​របស់ឥណ្ឌា​ ហើយ​ក៏​ជា​ចំនួន​អ្នកស្លា ប់​ក្នុងមួយ​ថ្ងៃ​ច្រើន​ជាង​គេ​ក្នុង​ ​ពិភពលោក​មិនធ្លាប់​មាន។ គិតមក​ដល់​ព្រឺកថ្ងៃព្រហស្បតិ៍​នេះ​ ឥណ្ឌា​មាន​អ្នក​ស្លា ប់ដោយសារ​ជំងឺ​កូវីដ១៩​សរុប​ទាំង​អស់ចំនួន​ជាង២៨៧.០០០​នាក់ និង​មាន​អ្នក​ឆ្លង​ដោយសារ​ជំងឺ​នេះសរុប​ជាង​២៥,៧លាន​នាក់ ដែល​ស្ថិត​ក្នុង​លំដាប់​ទី​២​បន្ទាប់​ពី​សហរដ្ឋ​អាមេរិក។ ការ​កើន​ឡើង​នូវ​ចំនួន​អ្នក​ឆ្លងថ្មី​យ៉ាង​គំហុកនៅឥណ្ឌា​ ដែល​មាន​ប្រជាជន​ច្រើន​បំផុត​ទី​២នៅ​ក្នុង​ពិភពលោក​នោះ​ បានបង្កើត​ឲ្យ​មានវិបត្តិ​មនុស្សធម៌​នៅ​ក្នុង​ប្រទេស​នេះ​ ដោយ​មន្ទីរពេទ្យ​នានា​ ពោរពេញ​ដោយ​អ្នក​ជំងឺ​ដែល​ហួស​ពី​សមត្ថភាព​អាច​ទទួល​បាន​ ស្រប​ពេល​ដែល​មាន​ការ​ខ្វះខាត​ជា​ខ្លាំង​នូវម៉ាស៊ីន​អុកស៊ីហ្សែន​សម្រាប់​ជួយដល់​អ្នក​ជំងឺ​។​ ទន្ទឹម​នឹង​នោះ​ដែរ​ ទី​តាំង​បណ្តោះ​អាសន្នជា​ច្រើន​កន្លែងសម្រាប់​ដុត​សាកសពអ្នក​ជំងឺ​កូវីដ-១៩ ត្រូវ​បាន​បង្កើត​ឡើង និងមានភាព​រវល់​គ្មាន​ទំនេរ​ដៃក្នុង​ការ​ដុត​សា កស ព​អ្នក​ស្លា ប់​ទាំង​នោះ​៕

LEAVE A REPLY

Please enter your comment!
Please enter your name here