លោកស្រី​ ថាក់​ ឡានី​ អតីតមន្ត្រី​ជាន់​ខ្ខ្ពស់គណបក្ស​ប្រឆាំង​បានមកដល់​ប្រទេស​កម្ពុជា​វិញ​ដោយសុវត្ថិភាព​

0
118

ប៉ោយប៉ែត​ ៖​ លោកស្រី​ ថាក់​ ឡានី​ មន្ត្រី​ជាន់​ខ្ពស់​គណបក្ស​ប្រឆាំង​ ដែល​បាន​និរទេស​ខ្លួន​ទៅប្រទេសស៊ុយអែត​ នៅវេលា​ម៉ោង​ ១២​ ថ្ងៃ​ទី​ ១៤​ ខែ​ ឧសភា​ ឆ្នាំ​ ២០២១​ នេះ​ បាន​ត្រលប់​មក​ដល់​ប្រទេស​កម្ពុជា​វិញ​តាមច្រក​អន្តរជាតិ​ប៉ោយប៉ែត​ដោយសុវត្ថិភាព​ ។

ពេល​មកដល់ច្រកព្រំដែន​អន្តរជាតិ​ប៉ោយប៉ែត​ លោកស្រី​ ថាក់​ ឡានី​ បានថ្លែងប្រាប់​លោក​ចាងហ្វាង​ការផ្សាយ​គេហទំព័រ​ PVNN ថា​ លោកស្រី​ពិតជារំភេីបចិត្ត​រកអ្វី​ប្រៀបផ្ទឹម​ពុំបាន​ទេ​ដែល​លោកស្រី​ទទួល​បានការសណ្ដោសប្រោសប្រណី​ពីសម្តេចតេេជោ​ ហ៊ុន​ សែន​ ជាពិសេស​ វត្តមាន​របស់​លោកស្រី​នៅ​ប្រទេស​កម្ពុជា​នៅពេលនេះ​គឺដោយមានការជួយ​ជ្រោមជ្រែង​យ៉ាង​ខ្លាំងក្លា​ពីសម្តេចតេេជោ​ ហ៊ុន​ សែន​ ។

លោកស្រី​ ថាក់​ ឡានី​ បានបញ្ជាក់​ថា​ ចាប់​តាំង​ពី​លោកស្រី​ចេញ​ពីប្រទេស​កម្ពុជា​ទៅនៅ​ប្រទេស​ ស៊ុយអែត​ តាមការបំភ័យអោយរត់គេចរបស់​មេដឹកនាំ​បក្សប្រឆាំង​ លោកស្រី​បានរស់នៅម្នាក់ឯង​កណ្ដោចកណ្ដែង​ដូចចកនៅកណ្ដាលលំហរសមុទ្រ​គ្មាន​កោះត្រេីយ​ ហេីយមេដឹកនាំបក្សប្រឆាំង​មិនដែល​មកសួរសុខទុក្ខលោកស្រីម្ដងណាទេ​ ។ នៅពេល​ដែល​លោកស្រី​មានទុក្ខព្រួយ​ លោកស្រី​នឹកឃើញ​តែមេដឹកនាំម្នាក់គត់​ដែល​លោកស្រី​ជឿទុកចិត្តថា​ អាចជួយសង្គ្រោះ​លោកស្រី​ពី​លំហរសមុទ្របាន​គឺ​ សម្ដេចតេជោ​ ហ៊ុន​ សែន​ ។ ទី​បំផុត​ លោកស្រី​បាន​គេចផុតពី​ទុក្ខវេទនា​កណ្ដោចកណ្ដែង​ម្នាក់​ឯង​និងបានត្រលប់មកជួបជុំក្រុមគ្រួសារវិញនៅថ្ងៃនេះ​ ។ លោកស្រី​ និង​ ស្វាម៉ី​ បានគោរពថ្លែងអំណរគុណ​សម្ដេចតេជោ​ ហ៊ុន​ សែន​ នាយករដ្ឋមន្ត្រី​ ដែល​តែងតែ​ជួយដោះស្រាយ​ទុក្ខ​លំបាក​អោយ​ប្រជាពលរដ្ឋ​គ្រប់​ស្រទាប់​វណ្ណៈ​ដោយមិនគិត​និន្នាការ​នយោបាយ​ឡេីយ​ ។

គួរបញ្ជាក់ថា​ លោកស្រី​ ថាក់​ ឡានី​ ត្រូវ​បានប្រមុខរដ្ឋ​ស្ដី​ទី​ ចេញ​ព្រះរាជ​ក្រឹត្យ​លេីកលែង​ទោស​ កាលពីថ្ងៃទី​ ៣​ ខែ​ មីនា​ ឆ្នាំ​ ២០២១​ តាមការស្នេីសុំ​របស់​សម្ដេចតេជោ​ ហ៊ុន​ សែន​ នាយករដ្ឋមន្ត្រី​ នៃ​ រាជរដ្ឋាភិបាល​ ៕

LEAVE A REPLY

Please enter your comment!
Please enter your name here