លោករដ្ឋមន្ត្រី ខៀវ កាញារីទ្ធបញ្ចេញទស្សន:ជុំវិញតុលាការហ្វេសប៊ុក

0
71

ប៉ុន្មានពេលនេះ​ ឃើញមានការផុលផុសនៅ«តុលាការហ្វេសប៊ុក»​​ ក៏សូមនិយាយបន្តិច​ ។​ ខ្មែរយើងចូលចិត្តរឿងបូកសរុប ព្រោះមិនសូវនឿយពិចារណា​។ ខ្ញុំតែងនិយាយលេងថា នារីនៅពេលស្រលាញ់បុរសម្នាក់តែងតែអួតថា​​​ «សង្សារខ្ញុំល្អណាស់ គ្មានបុរសណាលើលោកប្រៀបផ្ទឹមបានទេ !»​ តែនៅពេលឈ្លោះបែកគ្នា តាំងស្រែកឡើងថា «អាប្រុសណាក៏ដូចអាប្រុសណាដែរ​ សុទ្ធតែបោកប្រាសទាំងអស់ អាក្រក់ទាំងអស់ !»​ ។ ចំណូលចិត្តសរុបនេះ​ មាននាំដល់រឿងកំហុសធំៗជាច្រើន ដូចជាការរមែងគិតថា​ អោយតែអ្នកមាន អ្នកធំ «សុទ្ធ»តែជាមនុស្សអាក្រក់ អោយតែអ្នកក្រ អ្នកតូចតាច​ «សុទ្ធ»តែជាមនុស្សស្លូតត្រង់ ជាអ្នកទន់ខ្សោយ ដែលខុសស្រលះពីការពិតជាក់ស្តែង​ ។ ខ្ញុំសូមលើកពី ឧទាហរណ៍​ ២ ដែលបានកើតពិតនៅលើទឹកដីកម្ពុជា យើង​។

ប៉ុន្មានឆ្នាំមុននេះ លោកគ្រូបង្រៀនម្នាក់បានសន្សំលុយទិញឡានមួយគ្រាន់ឆ្លៀតដឹកភ្ញៀវបំពេញបន្ថែមសេដ្ឋកិច្ចគ្រួសារ​ ។​ យប់មួយ គាត់បើកឡានតាមផ្លូវជាតិ ចំកន្លែងមួយដែលមនុស្សជុំគ្នាផឹកស៊ី ។ បុរសម្នាក់ដែលស្រវឹងជោកជាំ បានចេញម៉ូតូហើយប៉ះជាមួយឡានលោកគ្រូនេះ ។ តាមពិត លោកគ្រូនេះអាចបើករត់បាន ព្រោះយប់ស្ងាត់នៅតាមខេត្ត តែគាត់បានបញ្ឈប់ឡានដើម្បីចុះមកជួយមើលអ្នករងគ្រោះ​ ភ្លាមនោះក៏មានក្រុមដែលស្រែកថា​ «វាអាងមានឡានបុកមនុស្ស» ហើយក៏បបួលគ្នាវាយលោកគ្រូនោះស្លាប់ បន្ទាប់មកយកសពលោកគ្រូទៅសង្កត់ក្នុងត្លុកស្រែក្បែរនោះដោយនិយាយថា បុរសដែលបុកគេនេះ ភ័យខ្លាចគេដេញវ៉ៃក៏រត់ទៅដួលឈ្លក់ទឹកស្លាប់​ ។ តែប៉ូលីសបានធ្វើកោសល្យវិច័យដឹងថាមិនពិតហើយបានធ្វើការចាប់ពួកដៃដល់ផ្តន្ទាទោសទៅ​​ ។

បន្តិចទៀត ពេលទំនេរដៃខ្ញុំនឹងលើករឿងពិតទី ២ មកនិយាយបន្ត ។

LEAVE A REPLY

Please enter your comment!
Please enter your name here