អ្នក​អភិរក្ស​ព្រួយបារម្ភ​ថា ចំនួន​សត្វ​ក្រៀល​កំពុងតែ​មានការ​ធ្លាក់​ចុះ

0
44

ភ្នំពេញ​៖ អ្នក​អភិរក្ស​ដែល​កំពុងតែ​តាមដាន​នូវ​វត្តមាន​សត្វ​ក្រៀល បាន​សំដែង​ការព្រួយបារម្ភ​ថា វត្តមាន​សត្វ​នេះ​នៅ​កម្ពុជា​អាច​នឹង​ធ្លាក់ចុះ ។

​អង្គការ​សត្វ​ស្លាប​អន្តរជាតិ បាន​អះអាងថា នា​ថ្ងៃ​៧ ខែឧសភា ឆ្នាំ​២០២១​នេះ​គឺជា​ថ្ងៃ ចុងក្រោយ​ដែល​សត្វ​ក្រៀល​ចំនួន​១៣​ក្បាល​បាន​ចាក​ចេញពី​តំបន់​ការពារ​ទេស​អន្លង់​ព្រីង​ដោយឡែក​នៅ​ថ្ងៃទី​២៩ និង​៣០ ខែមេសា ឆ្នាំ​២០២១ ក្រុមការងារ​បានធ្វើ​ជម្រឿន ក្រៀល​នៅ​តំបន់​នេះ​ដោយ កត់ត្រា​បានតែ​ចំនួន​៣​ក្បាល​ប៉ុណ្ណោះ ។​

​ប្រភព​ដដែល​បាន​អះអាងថា សត្វ​ក្រៀល​ក្នុងប្រទេស​កម្ពុជា នៅ​រដូវ​មិន​បន្ត​ពូជ (​កំឡុង​ខែធ្នូ ដល់​ខែឧសភា​) និង​ធ្វើការ​បម្លាស់​ទី ពី​ទីជម្រក​ទៅ​ទីតាំង​តំបន់ដីសើម​សំខាន់ៗ មួយចំនួន​ដូចជា អន្លង់​ព្រីង និង​បឹង​ព្រែក​ល្ពៅ​ជាដើម ដើម្បី​រក​ចំណី​។ ទន្ទឹមនឹងនេះ​ដើម្បី ដឹង​ពី​ចំនួន​នៃ​ការ​កើន​ឬ​ថយចុះ ការ​ជំរឿន​សត្វ​ក្រៀល​ក៏បាន​ត្រូវធ្វើ​ឡើងជា​រៀងរាល់ឆ្នាំ ចាប់ពី​ខែធ្នូ​រហូតដល់​ខែឧសភា​។

​ដោយឡែក​តាមរយៈ​ការ​ជំរឿន​ក្នុង​ឆ្នាំ​២០២១ នៅក្នុង​តំបន់ការពារទេសភាព​អន្លង់​ព្រីង ចំនួន​សត្វ​ក្រៀល​ដែល​កត់ត្រា​បាន​ខ្ពស់បំផុត​គឺ​ចំនួន​៩១​ក្បាល​ដោយឡែក​លទ្ធផល​ជំរឿន ខែមេសា ដែល​បាន​កត់ត្រា​មាន​ចំនួន​តែ​៣​ក្បាល តែប៉ុណ្ណោះ​ដោយសារ​ជិត​ឈានចូល ទៅដល់​រដូវ​បន្ត​ពូជ​ដែលជា​កំឡុង​ពេលដែល​សត្វ​ក្រៀល​ត្រូវ​ត្រលប់​ទៅ​ទីជម្រក​នៅ​តំបន់​ខាងជើង​នៃ​ប្រទេស​កម្ពុជា មាន​ខេត្តព្រះវិហារ រតន គិរី ជាដើម​។ តែ​ទោះបីជា​យ៉ាងណា លទ្ធផល​នៃ​ការ​ជំរឿន​ក្រៀល​ក្នុងឆ្នាំនេះ ការកត់ត្រា​របស់​ក្រុមការងារ​ឃើញថា មានការ​ធ្លាក់ចុះ​៕​/PC

ប្រភពរស្មីកម្ពុជា

 

LEAVE A REPLY

Please enter your comment!
Please enter your name here