អ្នក​ឆ្លង​​កូវីដ​១៩ ​​​ថ្មី ​នៅ​ឥណ្ឌា ​​នៅ​តែ​ខ្ពស់​ ខណៈ​មាន​ការ​​​​​ជំរុញ​​ឲ្យ​បិទ​ខ្ទប់​ប្រទេស​ទាំង​មូល

0
228
FILE PHOTO: Patients suffering from the coronavirus disease (COVID-19) get treatment at the casualty ward in Lok Nayak Jai Prakash (LNJP) hospital, amidst the spread of the disease in New Delhi, India April 15, 2021. REUTERS/Danish Siddiqui/File Photo

អត្រា​ឆ្លងជំងឺកូវីដ​១៩ ​ប្រចាំ​ថ្ងៃ ​នៅក្នុងប្រទេស​ឥណ្ឌា​ មាន​ការ​ចុះ​ថយ​បន្តិច​ ប៉ុន្តែនៅតែ​ខ្ពស់​នៅ​ឡើយ​ ដោយ​ក្រសួង​សុខាភិបាល​បាន​ប្រកាស​ឲ្យ​ដឹងកាលពី​ថ្ងៃ​ច័ន្ទ ​ពី​ការ​រក​ឃើញ​អ្នក​ឆ្លង​ថ្មី​ប្រចាំ​ថ្ងៃ ​មាន​ចំនួន​ជាង​ ៣៦៦.០០០ នាក់​ និង​មាន​អ្នក​ស្លាប់​ចំនួន ​៣.៧៥៤​នាក់​ នៅ​ក្នុង​រយៈ​ពេល​ ២៤​ម៉ោង​ចុង​ក្រោយ។​ មាន​ការជំរុញ​កាន់​តែ​ខ្លាំង ដើម្បី​ឲ្យរដ្ឋាភិបាល​របស់​នាយករដ្ឋមន្ត្រី​ឥណ្ឌា​លោក ​Narendra Modi ​បិទ​ខ្ទប់​ប្រទេស​ឥណ្ឌា​ទាំង​មូល ជាប្រទេស​ដែល​មាន​ចំនួន​ប្រជាជន​ច្រើន​បំផុត​ទី​២ ​នៅ​លើ​ពិភពលោក។​ រដ្ឋ​ជា​ច្រើន​របស់ឥណ្ឌា​បាន​អនុវត្ត​រួច​ហើយនូវការបិទ​ខ្ទប់ដ៏​តឹងរ៉ឹង ​ចាប់​តាំង​ពី​ខែមេសា​ ហើយ​រដ្ឋ​មួយ​ចំនួន​ទៀត​គ្រាន់​តែ​រឹត​បន្តឹង​ប៉ុណ្ណោះ​ ដូច​ជា ហាមការ​ធ្វើ​ដំណើរ​ បិទ​រោង​ភាពយន្ត​ ភោជនីយ​ដ្ឋាន​ បារ​កម្សាន្ត​ និង​ផ្សារ​ទំនើប​ជា​ដើម។​

រុស​កូរ៉ូណា​បម្លែង​ខ្លួន​ថ្មី ​ដែល​ត្រូវ​បាន​គេ​រក​ឃើញ​ជា​ដំបូង​នៅ​ក្នុង​ប្រទេស​ឥណ្ឌា​នោះ​ ត្រូវ​បាន​រក​ឃើញ​នៅ​តាម​បណ្តា​ប្រទេស​មួយ​ចំនួន​ ​ដូច​ជា​ ប្រទេស​បង់ក្លាដែស​ បារាំង​ ថៃ​ ចក្រភព​អង់គ្លេស​ និងរដ្ឋ Connecticut ​របស់​អាមេរិក។ ម៉្យាង​ទៀត​ គេ​កាន់​តែ​មាន​ការ​បារម្ភ​អំពី​អ្នក​បាន​ជា​សះស្បើយ​ពី​ជំងឺ​កូវីដ១៩ ​នៅ​ឥណ្ឌា បែរជា​កើត​ជំងឺដុះ​ផ្សិតលើ​មុខ ​ហើយ​ករណី​ខ្លះ​ បាន​បណ្តាលឲ្យខ្វាក់​ភ្នែក​ទៀតផង។​យោង​ទៅ​លើទិន្នន័យ​របស់​សាកល​វិទ្យាល័យ Johns Hopkins ក្នុង​សហរដ្ឋ​អាមេរិក​ ​បានឲ្យ​ដឹង​ថា​ រហូត​មក​ដល់ព្រឹកថ្ងៃអង្គារ​នេះ ប្រទេស​ឥណ្ឌា​មាន​អ្នក​ឆ្លងជំងឺ​កូវីដ​១៩​ ចំនួនជាង​ ២២,៩​លាននាក់ និងស្លាប់ជាង ២៥០ពាន់នាក់៕ Reuters

LEAVE A REPLY

Please enter your comment!
Please enter your name here