នាយករដ្ឋមន្ត្រីប៉ាគីស្ថានលោក Imran Khan នឹងធ្វើដំណើរទៅកាន់ទីក្រុងមូស្គូ ក្នុងសប្តាហ៍នេះ ដើម្បីជួបជាមួយប្រធានាធិបតីរុស្ស៊ីលោក Vladimir Putin ដោយទីក្រុងអ៊ីស្លាម៉ាបាដបានបញ្ជាក់កាលពីថ្ងៃចន្ទ ទី២១ ខែកុម្ភៈថាគឺជាដំណើរទស្សនកិច្ចលើកដំបូងរបស់មេដឹកនាំប៉ាគីស្ថាន ក្នុងរយៈពេលពីរទសវត្សរ៍។ ដំណើរទស្សនកិច្ចរយៈពេល ពីរថ្ងៃ ដែលចាប់ផ្តើមនៅថ្ងៃពុធ ត្រូវបានគេគ្រោងទុកមុនពេលមានវិបត្តិនៅលើអ៊ុយក្រែន។ ក្រសួងការបរទេសរបស់ប៉ាគីស្ថាន បាននិយាយនៅក្នុងសេចក្តីថ្លែងការណ៍មួយថា “ក្នុងអំឡុងពេលកិច្ចប្រជុំកំពូល មេដឹកនាំទាំងពីរនឹងពិនិត្យឡើងវិញនូវទំនាក់ទំនងទ្វេភាគី រួមទាំងកិច្ចសហប្រតិបត្តិការថាមពល” ដោយបន្ថែមថា លោក Khan និងលោក Putin ក៏នឹងពិភាក្សាអំពីបញ្ហារួម ទាំងស្ថានភាពនៅក្នុងប្រទេសអាហ្វហ្គានីស្ថានផងដែរ។ ទំនាក់ទំនងរវាងប៉ាគីស្ថាន និងរុស្ស៊ីមានតិចតួចបំផុត ក្នុងរយៈពេលប៉ុន្មានឆ្នាំកន្លងមកនេះ ខណៈទីក្រុងអ៊ីស្លាម៉ាបាដបានចូលរួមជាមួយសហរដ្ឋអាមេរិកក្នុងសង្គ្រាមត្រជាក់ ហើយត្រូវបានផ្តល់ឋានៈជាសម្ព័ន្ធមិត្តសំខាន់ មិនមែនណាតូដោយទីក្រុងវ៉ាស៊ីនតោន បន្ទាប់ពីកងកម្លាំងសហរដ្ឋអាមេរិកបានឈ្លានពានអាហ្វហ្គានីស្ថានក្នុងឆ្នាំ2001។ ទោះជាយ៉ាងណាក៏ដោយ ក្នុងប៉ុន្មានឆ្នាំថ្មីៗនេះ ទំនាក់ទំនងរវាងសហរដ្ឋអាមេរិក និងប៉ាគីស្ថានកាន់តែយ៉ាប់យ៉ឺន ហើយមានការរអាក់រអួលរវាងទីក្រុងមូស្គូ និងទីក្រុងអ៊ីស្លាម៉ាបាដ ដែលបានមើលឃើញពីការរៀបចំគម្រោងក្នុងវិស័យឧស្ម័ន និងថាមពល។ នៅក្នុងបទសម្ភាសន៍មួយ ដែលបានចេញផ្សាយកាលពីថ្ងៃចន្ទ លោក Khan បានបដិសេធពេលវេលានៃដំណើរទស្សនកិច្ចនេះ ហើយឥទ្ធិពលណាមួយដែលវានឹងមានលើទំនាក់ទំនងរបស់ប្រទេសប៉ាគីស្ថានជាមួយលោកខាងលិច។ លោកបានប្រាប់ Newsweek ប៉ាគីស្ថានថា “ដំណើរទស្សនកិច្ចនេះត្រូវបានគ្រោងទុកយ៉ាងល្អ មុនពេលការកើតឡើងនៃដំណាក់កាលបច្ចុប្បន្ននៃវិបត្តិអ៊ុយក្រែន ខ្ញុំបានទទួលការអញ្ជើញពីប្រធានាធិបតី ពូទីន ជាមុន យូរមកហើយ”៕ (Reuters ថ្ងៃទី២២ ខែកុម្ភៈ)
