ខ្យល់កន្ត្រាក់បានផ្តួល ដើមពោធិ៍អាយុកាលរាប់រយឆ្នាំ ដែលដួលរលំ គឺ«ដើមពោធិ៍លោកតាក្រហម​ ក»​ មិនមែន «ដើមពោធិ៍ប្រវត្តិសាស្ត្រស្នេហាទុំ និង​ទាវ» នោះទេ

0
47

ខេត្តត្បូងឃ្មុំៈ ដើមពោធិ៍ដ៏ធំមួយដេីម​ ដែលមានអាយុកាលរាប់រយឆ្នាំ គឺ​ «ដើមពោធិ៍លោកតាក្រហម​ ក»​ ដែលមានចម្ងាយប្រមាណ៧០ម៉ែត្រ ពីដើមពោធិ៍ប្រវត្តិសាស្ត្រ ប្រវត្តិស្នេហារវាង​ទុំ និង​ទាវ ដែលស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ ត្រូវបានខ្យល់កន្រ្តាក់ បោកបក់ធ្វើឱ្យដួលរលំនៅល្ងាចថ្ងៃទី៦ ខែឧសភា ឆ្នាំ២០២១។

លោក សេង សុខខឿន អភិបាលស្រុកត្បូងឃ្មុំ បានបញ្ជាក់ឲ្យដឹងថា នៅយប់ថ្ងៃដដែលនេះ ខណៈមានការចែករំលែកព័ត៍មានជាបន្តបន្ទាប់ ដោយយល់ច្រលំថា ដើមពោធិ៍ដែលដួលនោះ ជាដើមពោធិ៍ស្នេហាទុំទាវ។
លោកបន្តថា ភ្លាមៗក្រោយដួលរលំ ក្រោមការណែនាំពីឯកឧត្តមឧបនាយករដ្ឋមន្ត្រី ជា សុផារ៉ា ប្រធានក្រុមការងារចុះមូលដ្ឋានខេត្តត្បូងឃ្មុំ ពិសេសក្រោមការដាក់ចេញចំណាត់ការទាំងយប់របស់ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត បានចាត់ឲ្យអាជ្ញាធរស្រុក សហការជាមួយមន្ទីរពាក់ព័ន្ធ ធ្វើការស្ទូចលើកដើម្បីរៀបចំដាំឡើងវិញ និងធ្វេីការកែសម្រួលបន្តអភិរក្សតំបន់ប្រវត្តិសាស្ត្រនេះផងដែរ។
សូមបញ្ជាក់ថា​ ក្នុងរយៈពេល២ថ្ងៃនេះ​ ភូមិសាស្រ្តខេត្តត្បូងឃ្មុំ មានភ្លៀងធ្លាក់ លាយជាមួយខ្យល់កន្ត្រាក់ជាប់ៗគ្នាធ្វើឱ្យដើមឈើ ដំណាំ និងផ្ទះរបស់ប្រជាពលរដ្ឋមួយចំនួន ត្រូវបានដួលរលំ និងប៉ើងដំបូល រងការខូចខាតជាដំណំ ៕
សាន វិឡែម

 

LEAVE A REPLY

Please enter your comment!
Please enter your name here