ផ្អាក​យានយន្ត​ដឹកជញ្ជូន​ធុន​ធំ​ឆ្លងកាត់​ផ្លូវ​ខេត្ត​លេខ​២៦៨A (​ព្រៃ​មាន់ អាង​ត្រពាំងថ្ម ស្រុក​ភ្នំស្រុក​)

0
161

បន្ទាយមានជ័យ​៖ មន្ទីរ​សាធារណការ និង​ដឹកជញ្ជូន​ខេត្តបន្ទាយមានជ័យ បានសម្រេច​ផ្អាក​ចរាចរណ៍​បណ្តោះអាសន្ន​ចំពោះ​យានយន្ត​ដឹកជញ្ជូន​ធុន​ធំ​គ្រប់​ប្រភេទ​ដែល​ធ្វើដំណើរ​ឆ្លងកាត់​តាម​កំណាត់​ផ្លូវ​ខេត្ត​លេខ​២៦៨A (​ព្រៃ​មាន់ ដល់​អាង​ត្រពាំងថ្ម ស្រុក​ភ្នំស្រុក​) ចាប់ពី​ថ្ងៃទី​២៦ ខែកញ្ញា ឆ្នាំ​២០២១ តទៅ​។​

​នេះ​បើតាម​សេចក្តី ជូនដំណឹង​របស៎​មន្ទី​រ​សាធារណការ និង​ដឹកជញ្ជូន​ខេត្តបន្ទាយមានជ័យ​ចេញ​ថ្ងៃទី​២៦ ខែកញ្ញា ២០២១ ដែល​ចុះហត្ថលេខា​ដោយ​លោក​សុក ចាន់ថា ប្រធាន​មន្ទីរ ។​

​លោក​បាន​បាន​បញ្ជាក់ថា ៖ បន្ទាប់ពី​រង​ឥទ្ធិពល​ព្យុះ និង​ភ្លៀង​បន្តបន្ទាប់ បណ្តាលអោយមាន​ទឹកជំនន់​ហូរ​កាត់​ចំណុច នៃ​កំណាត់​ផ្លូវ​មួយចំនួន​ក្នុង​ខេត្ត ពិសេស​ផ្លូវ​ខេត្ត​លេខ​២៦៨​អា ចាប់ពី​ព្រៃ​មាន់ (​បំបែក​ផ្លូវជាតិ​លេខ​៦) ដល់​អាង​ត្រពាំងថ្ម ស្រុក​ភ្នំស្រុក ។​
​ហេតុនេះ ដើម្បី​ថែរក្សា​ផ្លូវថ្នល់ ស្ពាន​កុំអោយ​បាក់ស្រុត និង​ធានា​ដល់​សុវត្ថិភាព សូម​ផ្អាក​ការធ្វើ​ចរាចរណ៍​សិន ។​

​ប៉ុន្តែ​រថយន្ត​ប្រភេទ​ស្រាល​និង​ទេសចរណ៍​ជា​លក្ខណៈ​គ្រួសារ​អាច​ចរាចរណ៍​ឆ្លងកាត់​បាន​ធម្មតា ៕​

LEAVE A REPLY

Please enter your comment!
Please enter your name here