អ្នកបង្កើតវ៉ាក់សាំង AstraZeneca ថា កូវីដ​នឹងក្លាយជាវីរុស​ផ្តាសាយធម្មតា មិនបំប្លែងខ្លួនកាចសាហាវជាងនេះទៀតទេ

0
48

អ្នកបង្កើត​វ៉ាក់សាំង​ AstraZeneca លោកស្រីសាស្រ្តាចារ្យ Dame Sarah Gilbert អះអាងថា កូវីដ​នឹងមិន​បំប្លែងថ្មី​កាន់តែកាចសាហាវ​ខ្លាំងជាងនេះ​ដែល​អាចគេច​ផុតពីវ៉ាក់សាំងនោះទេ ពោលគឺ​វានឹងក្លាយជាវីរុសផ្តាសាយធម្មតាតែប៉ុណ្ណោះ។

ថ្លែង​ក្នុងសិក្ខាសាលា​ Royal Society of Medicine លោកស្រី​បាន​ថ្លែងយ៉ាងដូច្នេះថា៖ «យើង​បាន​រស់នៅ​​ជាមួយ​វីរុសកូរ៉ូណា​ដែលឆ្លងមកមនុស្ស ចំនួន​៤ប្រភេទផ្សេងៗគ្នា​រួចមកហើយ ដែល​យើង​ពិតជាមិនធ្លាប់​គិតដល់ ក្នុងនោះ​ វីរុស Sars-CoV-2 នឹងក្លាយជា​វីរុសមួយ​ស្ថិតក្នុងចំណោម​នោះ»។

លោកស្រី​លើកឡើង​ទៀតថា បណ្តា​វីរុសនានា​បានថមថយ​នូវកម្លាំង​របស់វា ខណៈដែល​វា​ចរាចរកាន់តែងាយស្រួល។ ដូចវីរុសកូរ៉ូណាដែរ (កូវីដ១៩) នៅពេល​វាចម្លង​រាលដាល​ពេញពិភពលោកហើយនោះ វាគ្មានកន្លែងថ្មីណា​ដែលត្រូវឆ្លងទៀតនោះទេ ដែលវាមិនអាចបំប្លែងខ្លួនទៀតដែរ។ «គ្មានហេតុផល​ណា​ដែលត្រូវគិតថា យើង​នឹងមាន​វីរុស Sars-CoV-2 បំប្លែងថ្មី​រាលដាលខ្លាំងជាងនេះនោះទេ»៕

ប្រភព : ខ្លីខ្លី

LEAVE A REPLY

Please enter your comment!
Please enter your name here