គណៈបញ្ជាការ​ឯកភាព​រដ្ឋបាល​ក្រុង​អនុវត្តន៍​វិធានការ​ចំពោះ​អ្នក​មិន​គោរព​ច្បាប់ ខណៈពេលដែល​ក្រុង​សៀមរាប​ត្រូវ​បានដាក់​ជា​តំបន់​ក្រហម​

0
79

សៀមរាប​: ខណៈពេលដែល​រដ្ឋបាល​ខេត្តសៀមរាប សម្រេច​បិទ​ខ្ទប់​ភូមិសាស្ត្រ​សង្កាត់​មួយចំនួន​កំណត់​ជា​តំបន់​ក្រហម និង​តំបន់​លឿងទុំ និង​ដើម្បី​អនុវត្ត​នូវ​សេចក្តីសម្រេច​របស់​រដ្ឋ បាល​ខេត្តសៀមរាប ដើម្បី​ទប់ស្កាត់​ការឆ្លង​រាលដាល​នៃ​ជម្ងឺ​កូ​វិដ​១៩ គណៈបញ្ជាការ​ឯកភាព​រដ្ឋបាល​ក្រុង សៀមរាប បាន​អនុវត្ត​វិធានការ​ច្បាប់​ចំពោះ​បងប្អូន​ដែល​មិន​គោរព​នូវ​បម្រាម ដែល​រដ្ឋបាលខេត្ត បានសម្រេច​កំណត់​ជា “​តំបន់​ក្រហម​”​។​

​ដោយ​វិធានការ​នោះ​ត្រូវបាន​ហាមឃាត់​មិន​ឲ្យ​ធ្វើដំណើរ​ចេញពី​លំនៅដ្ឋាន រួមទាំង​ការមិន អនុ ញ្ញាត​ឲ្យ​ធ្វើ​សកម្មភាព​ផ្សេងៗ ចេញ​ក្រៅពី​លំនៅដ្ឋាន​របស់ខ្លួន​ឡើយ ។​

​ខណៈពេលដែល​បងប្អូន​បំពាន​វិធានការ ការហាម ឃាត់ ក្នុងពេលដែល​កំពុង​បិទ​ខ្ទប់​ជា​បណ្តោះ​អាស​ន្ត រយៈពេល​មួយ​សប្តាហ៍​នេះ គិត​ចាប់ពី​វេលា​ម៉ោង​១៣​និង​០០​នាទី រសៀល នា​ថ្ងៃទី​១៧ ខែកញ្ញា រហូតដល់​ថ្ងៃទី​២៣ ខែកញ្ញា ឆ្នាំ​២០២១ ក្នុង​គោល បំណង​ធានា​ដល់​ប្រសិទ្ធភាព​នៃ​ការ គ្រប់ គ្រង​ការឆ្លង​រាលដាល​នៃ​ជម្ងឺ​កូ​វីដ​-១៩ រហូត​មាន​ការចេញ​សេចក្តីសម្រេច​ជាថ្មី ។

​ចំពោះ​បងប្អូន​មិន​គោរព​វិធាន ការ​នេះ កម្លាំង​សមត្ថកិច្ច​នៅ​គ្រប់​គោលដៅ និង ធ្វើការ​ឃាត់​ទុកជា​បណ្តោះ​អាសន្ន នូវ​មធ្យោបាយ​ទាំងឡាយ ដោយ អនុលោម​តាម​បទ​ប្បញ្ញត្តិ និង​នីតិវិធី​ជា​ធរមាន​។ ចំពោះ​ការចេញចូល​នៅ​តប​ន់​ក្រហម និង​លឿងទុំ គឺ​ត្រូវបាន​អនុញ្ញាត ក្នុងករណី​ចាំបាច់​តែប៉ុណ្ណោះ​។

​នៅ​ថ្ងៃទី​១៨ ខែកញ្ញា ឆ្នាំ​២០២១ កម្លាំង​គណៈបញ្ជាការ​ឯកភាព​រដ្ឋបាលខេត្ត សហការ​ជាមួយ​កម្លាំង​គណៈបញ្ជាកា​រ​ឯកភាព​រដ្ឋបាល​ក្រុង​សៀមរាប បានធ្វើការ​ឃាត់ទុក​នូវ​មធ្យោបាយ​ធ្វើដំណើរ​ជាច្រើន​គ្រឿង ដែល​ល្មើស​ទៅនឹង​បម្រាម យកទៅ​រក្សាទុក​នៅ​អធិការដ្ឋាន​នគរបាល​ក្រុង​សៀមរាប​ដើម្បី​អនុវត្តន៍​ច្បាប់​៕​

ប្រភព : រស្មីកម្ពុជា

LEAVE A REPLY

Please enter your comment!
Please enter your name here