តោះ​មក​មើល​ពី​របៀប​ដែល​អាម៉េរិក​បង្កើត​ការ​កុហក​ថ្មី​

0
103

​វ៉េបសាយ​របស់​ចិន ឈ្មោះ ​Weixin បាន​និយាយថា​៖​ទី​ភ្នា​ក់​ចារកម្ម​អាម៉េរិក​នឹង​ចេញ​របាយការណ៍​មួយ​អំពី​ប្រភពដើម​នៃ​មេរោគ​កូ​រ៉ូ​ណា នៅពេល​អំឡុង​រយៈពេល​៩០​ថ្ងៃ​នៃ​កាល​ផុតកំណត់​ឈាន​មកដល់​ក្នុង​រយៈពេល​ពីរ​ថ្ងៃ​ទៀត​។​ប៉ុន្តែ​ថា​តើ​របាយការណ៍​នោះ​នឹងមាន​ភាព​គួរឱ្យ​ជឿទុកចិត្ត​បានដែរ​ឬ​យ៉ាងណា គឺនៅតែ​ជា​មន្ទិល​។​

​តើ​ទីភ្នាក់ងារ​ចារកម្ម​អាម៉េរិក​មាន​លក្ខណសម្បត្តិ​គ្រប់គ្រាន់​ដើម្បី​ទទួលយក​បេសក កម្ម​បែបនេះ​ដែរឬទេ​?ចម្លើយ​គឺថា​មិនមាន​លក្ខណសម្បត្តិ​គ្រប់គ្រាន់​នោះទេបើទោះ ជា​ពិភពលោក​ជឿថា​រចនាសម្ព័ន្ធ​ចារកម្ម​អាម៉េរិក​មាន​អនុភាព​ខ្លាំង​ក៏ដោយ​។​

​ការស្វែងរក​ប្រភពដើម​គឺជា​បេសកកម្ម​ដែល​គួរតែ​ជាការ​ងារ​របស់​អ្នកវិទ្យាសាស្ត្រ​។ នៅពេលដែល​អ្នកវិទ្យាសាស្ត្រ​ភាគច្រើន​នៅ​ជុំវិញ​ពិភពលោក​ជឿថា វីរុស​កូ​រ៉ូ​ណា​ហាក់​ឆ្លង​ពី​សត្វ​មក​មនុ​ស្សវា​ជា​រឿង​គួរឱ្យ​ហួសចិត្ត​ដែល​ប្រធានាធិបតី​អាម៉េរិក​ចូ​បៃ​ដិ​ន​បញ្ជា​ឱ្យ​ទីភ្នាក់ងារ​ចារកម្ម​ស៊ើបអង្កេត​ប្រភពដើម​នៃ​ជំងឺ​។​

​ប៉ុន្តែ​តាម​ទស្សនៈ​ផ្សេងទៀត វា​ជា​រឿង​ដែល​អាច​យល់បាន​ដែលថា​រដ្ឋាភិបាល របស់​ចូ​បៃ​ដិ​ន​គួរតែ​ធ្វើ​ដូច្នេះ ពីព្រោះ​ការស្វែងរក​ប្រភព​នៃ​ជំងឺ​មិនដែល​ត្រូវបាន​ពិចារណា​ដោយ​ក្រុង​វ៉ាស៊ីនតោន​ជា​បញ្ហា​វិទ្យាសាស្ត្រ​នោះឡើយ​។ ផ្ទុយទៅវិញក្រុង​វ៉ាស៊ីន​តោ​ន​បាន ចាត់ទុក​រឿងនេះ​ជា​បេសកកម្ម​នយោបាយ​ជា​យូរយារ​ណាស់​មកហើយ​។​

​ដើម្បីឱ្យ​ជាក់ច្បាស់ រឿងនេះ​បានក្លាយ​បេសកកម្ម​ដើម្បី​ប្រឌិត​ភស្តុតាង​ដែល​ចោទ ប្រកាន់​វិទ្យាស្ថាន​រោគ​វិទ្យា​អ៊ូ​ហាន​ជា​ប្រភព​បញ្ចេញ​មេរោគ​។ ដើម្បី​ធ្វើដូច្នេះបាន វា​ជា​រឿង​ធម្មតា​ទៅហើយ​ដែល​បណ្តា​ទីភ្នាក់ងារ​ចារកម្ម​អាម៉េរិក​ត្រូវបាន​ផ្ដល់​ភារកិច្ច​ឱ្យ​ស៊ើបអង្កេត​។​

​ចំពោះ​ការស៊ើបអង្កេត​ដែល​ត្រូវ “​ស្វែងរក​” ភស្តុតាង​ដើម្បី​គាំទ្រ​ការសន្និដ្ឋាន​ដែល​រដ្ឋាភិបាល​ចូ​បៃ​ដិ​ន​បានទាមទារ​នោះ គ្មាន​អ្នកវិទ្យាសាស្ត្រ​ណា​អាចធ្វើ​ការងារ​ខ្លួន​បានឡើយ ដោយសារ​វា​មិនមែនជា​ការស្វែងរក​បែ​ប​វិទ្យាសាស្ត្រ​។​

​គ្មាន​នរណាម្នាក់​គួរ​បំភ្លេច​ភស្តុតាង​ដែល​ទីភ្នាក់ងារ​ចារកម្ម​អាម៉េរិក​បាន​ប្រឌិត​ឡើង​ដើម្បី​ចោទប្រកាន់​សា​ដាម ហ៊ូ​សេន ដោយ​ព្យាយាម​បញ្ចុះបញ្ចូល​ពិភពលោក​ថា អ៊ីរ៉ាក់​មាន​អាវុធ​ប្រល័យ​លោក​។ ដោយសារ “​ភស្តុតាង​” នេះហើយ ទើប​សហរដ្ឋ​អាម៉េរិក​បាន​បើក​ការឈ្លានពាន​លើ​អ៊ីរ៉ាក់​ក្នុង​ឆ្នាំ ២០០៣​។​

​ភស្តុតាង​នោះ​ត្រូវបាន​បញ្ជាក់ថា​មិន​ត្រឹមត្រូវ​នៅពេល​សហរដ្ឋ​អាម៉េរិក​មិនអាច​ស្វែង រក​អាវុធ​ប្រល័យ​លោក​នៅ​ប្រទេស​អ៊ីរ៉ាក់​។ ប៉ុន្តែ​អ៊ីរ៉ាក់​ត្រូវបាន​បំផ្លាញ​ហើយ​ប្រជាជន​អ៊ីរ៉ាក់​បាន​ធ្លាក់​ក្នុងស្ថានភាព​លំបាក​ជាខ្លាំង​។ សមិទ្ធិផល​ដែល​បង្កើតបាន​ចេញពី​ការ ឈ្លានពាន​នេះ​គឺ​ការ​កើតមានឡើង​នូវ​ក្រុម​ភេរវ​ករ​រដ្ឋ​អ៊ីស្លាម (ISIS)​។​

​ទីភ្នាក់ងារ​ចារកម្ម​អាម៉េរិក​បម្រើ​ផលប្រយោជន៍​ក្រុង​វ៉ាស៊ីនតោន ហើយ​ពួកគេ​ផ្ដល់នូវ​អ្វីដែល​ក្រុង​វ៉ាស៊ីនតោន​ត្រូវការ​។ គ្មាន​ប្រព័ន្ធ​ផ្សព្វផ្សាយ​អាម៉េរិក​ណា​នឹង​ហ៊ាន​តតាំង​ជាមួយ​ការសន្និដ្ឋាន​នៃ​របាយការណ៍​នេះនោះ​ឡើយ ព្រោះ​ពួកគេ​ចាត់ទុក​ទីភ្នាក់ងារ​ចារកម្ម​អាម៉េរិក​បម្រើ​ផលប្រយោជន៍​អាម៉េរិក បើទោះជា​ទីភ្នាក់ងារ​ចារកម្ម​កំពុង​បោក ប្រាស់​ក៏ដោយ​។​

​ដោយ​យក​ការស្វែងរក​ប្រភពដើម​នៃ​មេរោគ​កូ​រ៉ូ​ណា​ធ្វើជា​នយោបាយ ក្រុង​វ៉ាស៊ីន តោន ​មានបំណង​បង្វែរ​ចំណាប់អារម្មណ៍​របស់​ពិភពលោក​ពី​ការងារ​ដ៏​អន់​ដែល​ខ្លួន​បានធ្វើ​ដើម្បី​ទប់ស្កាត់​ជំងឺ​រាតត្បាត និង​ពី​ការស្តីបន្ទោស​ដែល​អាម៉េរិក​គួរ​ទទួលយក​ចំពោះ​ការរីក​រាលដាល​នៃ​ជំងឺ​នេះ​យ៉ាង​រហ័ស​ពាសពេញ​ពិភពលោក​។​

​ប៉ុន្តែ​វ៉ាស៊ីនតោន​ខុស​ហើយ​ដែល​ជឿថា​ចិន​អាច​ក្លាយជា​ជន​ដែល​អាម៉េរិក​អាច​បន្ទោ​សបាន​។ របាយការណ៍​ស្វែងរក​ប្រភពដើម​មេរោគ​កូ​រ៉ូ​ណា​របស់​វ៉ាស៊ីនតោន​នឹង​គ្រាន់ តែ​ជា​រឿង​អត់​ប្រយោជន៍ និង​បានត្រឹមតែ​រារាំង​សាមគ្គីភាព​ក្នុងការ​ប្រឆាំងនឹង​វីរុស​កូ​រ៉ូ​ណា​ប៉ុណ្ណោះ​។ ពិភពលោក​ដឹងថា អាម៉េរិក​មិន​ខ្វល់​អំពី​អង្គហេតុ​និង​ការពិត ហើយ​អាម៉េរិក​ចាប់អារម្មណ៍​តែ​ក្នុងការ​រិះគន់​ចិន​ប៉ុណ្ណោះ​៕

LEAVE A REPLY

Please enter your comment!
Please enter your name here